പാലാ സെന്റ് തോമസ് ഹൈസ്‌കൂള്‍ കായികമേള പാലാ നഗരസഭാ സിന്തറ്റിക് സ്റ്റേഡിയത്തില്‍ നടന്നു. പാലാ മുനിസിപ്പല്‍ വൈസ് ചെയര്‍പേഴ്‌സണ്‍ ബിജി ജോജോ കായികമേള ഉദ്ഘാടനം ചെയ്തു. വിദ്യാഭ്യാസ, കായിക സ്റ്റാന്‍ഡിംഗ് കമ്മിറ്റി ചെയര്‍മാന്‍ ജോസ് ചീരാന്‍കുഴി പതാക ഉയര്‍ത്തി.
ദീപശിഖാ പ്രയാണത്തിന് വിദ്യാര്‍ത്ഥികളായ ശ്രീഹരി ആര്‍, ആല്‍ബി ബൈജു, അനല്‍ കെ സുനില്‍ , നിഷാല്‍ ഷിജോ എന്നിവര്‍ നേതൃത്വം നല്‍കി. പാലാ സെന്റ് മേരീസ് ഹൈസ്‌കൂള്‍ ഹെഡ്മിസ്ട്രസ്സ് സി.ലിസ്യു ജോസഫ് ഒളിമ്പിക് ദീപം തെളിയിച്ചു.പിറ്റിഎ പ്രസിഡന്റ് വി.എം തോമസ് ആശംസകളര്‍പ്പിച്ചു. വിദ്യാര്‍ത്ഥി പ്രതിനിധി നിഷാല്‍ ഷിജോ പ്രതിജ്ഞ ചൊല്ലിക്കൊടുത്തു. മുന്‍സിപ്പല്‍ കൗണ്‍സിലര്‍ ബിന്ദു മനു, സ്‌കൂള്‍ അസി.മാനേജര്‍ ഫാ.ഐസക് പെരിങ്ങാമലയില്‍ തുടങ്ങിയവര്‍ സമ്മാനങ്ങള്‍ വിതരണം ചെയ്തു. കായികാധ്യാപകരായ ഡോ.തങ്കച്ചന്‍ മാത്യു, ഡോ. ഫ്രാന്‍സിസ്, സ്‌കൂള്‍ ഹെഡ്മാസ്റ്റര്‍ ഫാ.റെജിമോന്‍ സ്‌കറിയ തെങ്ങുംപള്ളി, സ്‌കൂള്‍ കായികാധ്യാപകന്‍ മനു ജെയിംസ് എന്നിവര്‍ നേതൃത്വം നല്‍കി.
.jpg)
0 Comments