മഹിളാ കോണ്‍ഗ്രസ് സാഹസ് യാത്രയ്ക്ക് പാലായില്‍ സ്വീകരണം നല്‍കി. പാലാ കോ ഓപ്പറേറ്റീവ് സൊസൈറ്റി ഹാളില്‍ നടന്ന സമ്മേളനത്തില്‍ ജാഥാ ക്യാപ്റ്റന്‍ ജെബി മേത്തര്‍ എം.പി. മുഖ്യ പ്രഭാഷണം നടത്തി. ഇടതുപക്ഷ സര്‍ക്കാരിന്റെ ഭരണവൈകല്യം കേരളത്തെ താറുമാറാക്കിയ സാഹചര്യത്തില്‍ സ്ത്രീകളുടെ സുരക്ഷയും ക്ഷേമവും ഉള്‍പ്പെടെ കേരളത്തിന്റെ സ്വത്വം വീണ്ടെടുക്കുവാനുള്ള ഒരേയൊരു മാര്‍ഗ്ഗം ഐക്യ ജനാധിപത്യ മുന്നണി സര്‍ക്കാര്‍ അധികാരത്തില്‍ വരുക എന്നുള്ളതാണെന്നും അതിനായുള്ള പോരാട്ടത്തില്‍ മഹിള കോണ്‍ഗ്രസ് മുന്നില്‍ നില്‍ക്കുമെന്നും അഡ്വ. ജെബി മേത്തര്‍ പറഞ്ഞു.
സ്വീകരണ സമ്മേളനത്തില്‍ നൂറു കണക്കിന് പ്രവര്‍ത്തകരും നേതാക്കളും പങ്കെടുത്തു. മഹിള കോണ്‍ഗ്രസ് നിയോജക മണ്ഡലം പ്രസിഡന്റ് ആനി ബിജോയ്, ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് എന്‍. സുരേഷ്, പ്രൊഫ. സതീഷ് ചൊള്ളാനി, മായ രാഹുല്‍, തോമസുകുട്ടി നെച്ചിക്കാട്ട്, ലീലാമ്മ ജോസഫ് തുടങ്ങിയവര്‍ നേതൃത്വം നല്‍കി. കേന്ദ്ര ശാസ്ത്ര -സാങ്കേതിക മന്ത്രാലയം വിദ്യാര്‍ത്ഥികള്‍ക്കായി ഏര്‍പ്പെടുത്തിയ ഇന്‍സ്പിരേഷന്‍ അവാര്‍ഡ് ജേതാവ് മാസ്റ്റര്‍ അജിന്‍ ബെന്നിയെ ചടങ്ങില്‍ ആദരിച്ചു.
.jpg)
0 Comments