പൂഞ്ഞാര്‍ എംഎല്‍എയും ജില്ലാ പഞ്ചായത്ത് മെമ്പറും തമ്മില്‍ പരസ്പരം സ്ത്രീ വിഷയങ്ങള്‍ ആരോപിച്ചുകൊണ്ട് വാഗ്വാദങ്ങള്‍ നടത്താതെ അവ അവസാനിപ്പിച്ചുകൊണ്ട് നിയോജകമണ്ഡലത്തിന്റെ വികസന പ്രവര്‍ത്തനങ്ങള്‍ പൂര്‍ത്തീകരിക്കാന്‍ ശ്രമിക്കണമെന്ന് തൃണമൂല്‍ കോണ്‍ഗ്രസ് ചീഫ് കോര്‍ഡിനേറ്റര്‍ സജി മഞ്ഞക്കടമ്പില്‍ ആവശ്യപ്പെട്ടു.
പൂഞ്ഞാര്‍ നിയോജകമണ്ഡലത്തിലെ വന്യജീവി ആക്രമണം, റോഡ് നിര്‍മ്മാണം, കുടിവെള്ള പദ്ധതികള്‍ എന്നിവ പൂര്‍ത്തീകരിക്കുന്നതിന് ക്രിയാത്മകമായ ഇടപെടലിന് എംഎല്‍എ ശ്രമിക്കണമെന്നും അല്ലാത്തപക്ഷം ശക്തമായ സമര പരിപാടികള്‍ക്ക് തൃണമൂല്‍ കോണ്‍ഗ്രസ് നേതൃത്വം കൊടുക്കുമെന്നും സജി പറഞ്ഞു . തൃണമൂല്‍ കോണ്‍ഗ്രസ് പൂഞ്ഞാര്‍ നിയോജകമണ്ഡലം നേതൃയോഗം ഈരാറ്റുപേട്ടയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിയോജകമണ്ഡലം പ്രസിഡണ്ട് നൗഷാദ് കീഴേടം അധ്യക്ഷത വഹിച്ചു. അന്‍സാരി ഈരാറ്റുപേട്ട, സുബിഷ് ഇസ്മായില്‍, നോബി ജോസ്, നിയാസ് കെ.പി , കെ.എം
റഷീദ്, ഹാഷിം മേത്തര്‍, നിസാര്‍ എം.എസ്, ബാബു ചെന്നപ്പാറ, തുടങ്ങിയവര്‍പ്രസംഗിച്ചു.
0 Comments