റോഡ് മുറിച്ച് കടക്കുന്നതിനിടയില്‍ അമിതവേഗതയില്‍ എത്തിയ കാര്‍ ഇടിച്ച് മധ്യവയസ്‌കന് ദാരുണാന്ത്യം. ഏറ്റുമാനൂര്‍ പാലാ റോഡില്‍ കിസ്മത്ത് പടിയ്ക്ക് സമീപം 2.15 ഓടെ ആയിരുന്നു അപകടം. വെട്ടിമുകളില്‍ പലചരക്ക് വ്യാപാരം നടത്തിവന്നിരുന്ന ഷട്ടര്‍ കവല സ്വദേശി ജോയ് ഫിലിപ്പ് കോട്ടൂര്‍ (63) എന്നയാളാണ് അപകടത്തില്‍ മരിച്ചത്.
ഏറ്റുമാനൂരില്‍ നിന്നും വെട്ടിമുകളിലേക്ക് മടങ്ങുന്നതിനിടെ കിസ്മത് പടിയില്‍ സ്‌കൂട്ടര്‍ നിറുത്തി എതിര്‍ വശത്തെ കടയില്‍ നിന്നും സാധനങ്ങള്‍ വാങ്ങാനായി റോഡ് മുറിച്ചു കടക്കുന്നതിനിടെയായിരുന്നു അപകടം. അപകടത്തില്‍പ്പെട്ട് ഗുരുതരമായി പരിക്കേറ്റ് രക്തം വാര്‍ന്ന് കിടന്ന ജോയിയെ സമീപത്തെ കടയില്‍ ജോലി ചെയ്തിരുന്ന ബാലകൃഷ്ണന്‍ നായരാണ് എടുത്ത് അതേ കാറില്‍ ആശുപത്രിയിലേക്ക് കൊണ്ടു പോയത്. ആശുപത്രിയിലെത്തുന്നതിനു മുന്‍പെ മരണം സംഭവിച്ചു. തലക്കേറ്റ ഗുരുതര പരിക്കാണ് മരണകാരണമായത്. ഏറ്റുമാനൂര്‍ പോലീസ് മേല്‍ന നടപടി സ്വീകരിച്ചു. മരണമടഞ്ഞ ജോയ് ഫിലിപ്പ്, ബിജെപി ആറാം വാര്‍ഡ് സെക്രട്ടറിയായിരുന്നു.
0 Comments