ഭാരതീയ വിദ്യാനികേതന്‍ കോട്ടയം ജില്ലാ കലോത്സവം കച്ഛപി തരംഗിന് കാരിക്കോട് സരസ്വതി വിദ്യാമന്ദിര്‍ സീനിയര്‍ ഹയര്‍സെക്കന്‍ഡറി സ്‌കൂളില്‍ തുടക്കമായി. 8 വേദികളിലായി 1500 ല്‍ പരം കലാപ്രതിഭകളാണ് 2 ദിവസത്തെ കലാമാമങ്കത്തില്‍ പങ്കെടുക്കുന്നത്..സിനിമാ നടനും സംവിധായകനുമായ രമേഷ് പിഷാരടി കലോത്സവത്തിന്റെ ഉദ്ഘാടനം നിര്‍വഹിച്ചു. മോന്‍സ് ജോസഫ് MLA മുഖ്യ അതിഥി ആയിരുന്നു. ഭാരതീയ വിദ്യാനികേതന്‍ സംസ്ഥാന ജനറല്‍ സെക്രട്ടറി എന്‍ രാധാകൃഷ്ണന്‍ മുഖ്യപ്രഭാഷണം നടത്തി.
സ്‌കൂള്‍ ചെയര്‍മാന്‍ എം.എ വാസുദേവന്‍ നമ്പൂതിരി അധ്യക്ഷത വഹിച്ചു. മുളക്കുളം ഗ്രാമപഞ്ചായത്ത് പ്രസിഡന്റ് ടി. കെ വാസുദേവന്‍ നായര്‍ ആശംസകള്‍ അര്‍പ്പിച്ചു. സ്വാഗതസംഘം ചെയര്‍മാന്‍ പി ജി രാധാകൃഷ്ണന്‍, ജന കണ്‍വീനറും, സ്‌കൂള്‍ പ്രിന്‍സിപ്പലുമായ രഞ്ജിത്ത് ആര്‍, ഭാരതീയ വിദ്യാനികേതന്‍ ജില്ലാ അധ്യക്ഷന്‍ പി വേണുഗോപാല്‍, സെക്രട്ടറി കെ റ്റി ഉണ്ണികൃഷ്ണന്‍. വിദ്യാലയ സമിതി പ്രസിഡന്റ് എന്‍ മധു, സ്വാഗതസംഘം ട്രഷറര്‍ എന്‍ ഹരി ശര്‍മ്മ തുടങ്ങിയവര്‍ പ്രസംഗിച്ചു. വിദ്യാഭാരതി നാഷണല്‍ കായിക മത്സരം, സയന്‍സ് എക്‌സിബിഷന്‍ എന്നിവയില്‍ ദേശീയതലത്തില്‍ സമ്മാനം നേടിയ വിദ്യാര്‍ത്ഥികളെ യോഗത്തില്‍ വച്ച് അനുമോദിച്ചു.
.jpg)
0 Comments