ഇന്ത്യ ബുക്ക് ഓഫ് റിക്കാര്ഡ്സില് ഇടംപിടിച്ച ഡയാന ജോഷിയെ കേരള കോണ്ഗ്രസ് എം ചെയര്മാന് ജോസ് കെ മാണി എം.പി വീട്ടിലെത്തി ആദരിച്ചു. 57 സെക്കന്ഡിനുള്ളില് മോണ്ടിസോറി സ്ലൈഡ് കളര് പസില് പൂര്ണ്ണമാക്കിയാണ് മൂന്നര വയസ്സുകാരിയായ ഡയാന ജോഷി ഈ നേട്ടം കൈവരിച്ചത്. കേരള കോണ്ഗ്രസ് എം സംസ്കാരവേദി പാലാ നിയോജകമണ്ഡലം കമ്മിറ്റിയുടെ നേതൃത്വത്തിലാണ് ഈ കൊച്ചു മിടുക്കിയെ ആദരിച്ചത്. കേവലം ഒരു വയസ്സും എട്ടുമാസവും പ്രായമുള്ളപ്പോള് തന്നെ ഡയാന 213 വസ്തുക്കള് തിരിച്ചറിയുന്നതിലൂടെ ഏവരെയും അതിശയിപ്പിച്ചിരുന്നു.
0 Comments