നാടിനു മാതൃകയാവുന്ന വികസന പ്രവര്‍ത്തനങ്ങള്‍ക്ക് രൂപം നല്‍കുമെന്ന പ്രഖ്യാപനവുമായി കടുത്തുരുത്തി ഗ്രാമപഞ്ചായത്തിലെ 8, 9 വാര്‍ഡുകളില്‍ ജനകീയ മുന്നണി മത്സരംഗത്ത്. സ്വതന്ത്ര സ്ഥാനാര്‍ത്ഥികളായി ലില്ലിക്കുട്ടി ജേക്കബ് തുരുത്തേല്‍ അഡ്വക്കറ്റ് റോയ് ജോര്‍ജ് വെട്ടിക്കത്തടത്തില്‍ എന്നിവരാണ് മത്സരിക്കുന്നത്. സ്വകാര്യ ലാറ്റെക്‌സ് ഫാക്ടറി ക്കെതിരെ ഗ്രാമ വികസന സമിതി സംഘടിപ്പിച്ച സമരങ്ങളുടെയും പിന്‍ബലത്തിലാണ് സംയുക്ത സമരസമിതിയുടെ പിന്തുണയോടെ ജനകീയ മുന്നണി സ്ഥാനാര്‍ത്ഥികള്‍ മത്സരംഗത്ത് എത്തിയത്.. കാര്‍ഷിക മേഖലയിലെ പ്രതിസന്ധി പരിഹരിക്കാന്‍ തരിശുനിലങ്ങളില്‍ കൃഷി ഇറക്കുവാനും റബ്ബര്‍ തോട്ടങ്ങള്‍ കാടുവെട്ടി ഉത്പാദനം പുനരാരംഭിക്കാനും വര്‍ക്ക് ഫോഴ്‌സായ നിര്‍മ്മാണ സേനര്രപീകരിക്കുമെന്നും നിയമസഹായ വേദിക്കും ഹരിത സേനയ്ക്കും സംരംഭക യൂണിയനും രൂപം നല്‍കുമെന്നുമുള്ള പ്രഖ്യാപനവുമായാണ് ജനകീയമുന്നണി പ്രകടനപത്രിക പുറത്തിറക്കുന്നത്. ജനപ്രതിനിധി എന്ന നിലയിലുള്ള ഉത്തരവാദിത്വങ്ങള്‍ നിറവേറ്റുമെന്ന ഉറപ്പുനല്‍കുകയും പ്രകടനപത്രികയിലൂടെ മുന്നോട്ടുവെക്കുന്ന വാഗ്ദാനങ്ങള്‍ നടപ്പിലാക്കുക വഴി നാടിനും സംസ്ഥാനത്തിനും പുതിയ മാതൃക സൃഷ്ടിക്കുകയുമാണ് ലക്ഷ്യമെന്ന് സംയുക്ത സമരസമിതി നേതാവും സ്ഥാനാര്‍ത്ഥിയുമായ അഡ്വക്കറ്റ് റോയ് ജോര്‍ജ് പറഞ്ഞു.
.jpg)
0 Comments