Breaking...

9/recent/ticker-posts

Header Ads Widget

ബസ് ഡ്രൈവര്‍ കീഴടങ്ങി.



നിര്‍ത്തിയിട്ടിരുന്ന കാറിന്റെ പുറകില്‍ സ്വകാര്യ ബസിടിച്ചു കയറി മുന്‍ എംഎല്‍എ സ്റ്റീഫന്‍ ജോര്‍ജിനും ഡ്രൈവര്‍ക്കും പരിക്കേറ്റ സംഭവത്തില്‍ ബസ് ഡ്രൈവര്‍ കീഴടങ്ങി. മാഞ്ഞൂര്‍ സ്വദേശിയാണ് ബസ് ഡ്രൈവര്‍. ബസ് പോലീസ് കസ്റ്റഡിയിലെടുത്തു. മഴയുണ്ടായിരുന്ന സമയത്ത് ബസിന്റെ അമിതവേഗമാണ് അപകട കാരണമെന്ന് പോലീസ് പറഞ്ഞു. ശനിയാഴ്ച ഉച്ചകഴിഞ്ഞ് 2.45 മണിയോടെ കടുത്തുരുത്തി സെന്‍ട്രല്‍ ജംഗ്ഷന് സമീപമാണ് അപകടം. നിര്‍ത്തിയിട്ടിരുന്ന കാറിനു പിന്നില്‍ ബസ് ഇടിച്ചു കയറുകയായിരുന്നു. അപകടത്തെ തുടര്‍ന്ന് കാര്‍  100 മീറ്ററിലേറേ ദൂരം മുന്നോട്ടു ഓടി. നിയന്ത്രണം നഷ്ടമായ ബസ് ഫുട് പാത്തില്‍ ഇടിച്ചു കയറിയാണ് നിന്നത്. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിരുന്നു. അപകടത്തില്‍ ബസ് യാത്രക്കാരായ നാല് സ്ത്രീകള്‍ക്കും പരിക്കേറ്റു.  ഗുരുതര പരിക്കുകളില്ലെങ്കിലും വിദഗദ്ധ ചികിത്സയ്ക്കായി സ്റ്റീഫന്‍ ജോര്‍ജിനെ പിന്നീട് കാരിത്താസ് ആശുപത്രിയിലേക്ക് മാറ്റി. കടുത്തുരുത്തിയില്‍ പാര്‍ട്ടിയുടെ തെരഞ്ഞെടുപ്പ് യോഗത്തില്‍ പങ്കെടുക്കാനെത്തിയപ്പോഴാണ് സ്റ്റീഫന്‍ ജോര്‍ജ് അപകടത്തില്‍പെട്ടത്. അപകടത്തില്‍ ഇദേഹത്തിന്റെ കാറിന്റെ പിന്‍ഭാഗം പൂര്‍ണമായി തകര്‍ന്നു. കോട്ടയത്ത് നിന്നും കല്ലറ വഴി വൈക്കത്തേക്ക് പോവുകയായിരുന്ന വൃന്ദാവന്‍ ബസാണ് അപകടത്തിനിടയാക്കിയത്.



Post a Comment

0 Comments