.jpg)
ക്രിസ്തുരാജത്വ തിരുനാളിനോടനുബന്ധിച്ച് കടുത്തുരുത്തി സെന്റ് മേരീസ് ഫൊറോന താഴത്തു പള്ളിയുടെ ആഭിമുഖ്യത്തില്‍ വിശ്വാസപ്രഖ്യാപനറാലി നടന്നു. ക്രിസ്തുരാജന്റെ തിരുനാളാഘോഷത്തിലും വിശ്വാസറാലിയിലും ഭക്തസഹസ്രങ്ങള്‍ പങ്കെടുത്തു . കൊടി, തോരണങ്ങള്‍, മുത്തുകുടകള്‍, മരചില്ലകള്‍, ബലുണുകള്‍ തുടങ്ങിയവയെല്ലാമായി വിശ്വാസികള്‍ റാലിയില്‍ പങ്കെടുത്തു. വിശുദ്ധരുടെയും മാലാഖമാരുടെയും വേഷവിധാനങ്ങളണിഞ്ഞു കുരുന്നുകള്‍ റാലിയില്‍ അണിനിരന്നു. താഴത്തുപള്ളി ഇടവകയിലെ കുടുംബ
കൂട്ടായ്മകള്‍ റാലിയില്‍ പങ്കെടുത്തു.
പള്ളിയങ്കണത്തില്‍ നിന്നും ആരംഭിച്ച വിശ്വാസ പ്രഖ്യാപനറാലി ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍ ക്രിസ്തുരാജത്വ സന്ദേശം നല്‍കി ഉദ്ഘാടനം ചെയ്തു. പഴയപള്ളി ചുറ്റി മെയിന്‍ റോഡില്‍ പ്രവേശിച്ചു സപ്ലൈക്കോ
മാര്‍ക്കറ്റിന് മുന്നിലൂടെ റാലി തിരിക പള്ളിയിലെത്തി . വിശുദ്ധ കുര്‍ബാനയോടെ തിരുനാളാഘോഷങ്ങള്‍ സമാപിച്ചു. ക്രിസ്തുരാജത്വ തിരുനാളാഘോഷത്തിനും വിശ്വാസറാലിക്കും തിരുനാള്‍ തിരുകര്‍മങ്ങള്‍ക്കും ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍, സഹവികാരിമാരായ ഫാ.ജോണ്‍ നടുത്തടം, ഫാ.ഏബ്രഹാം പെരിയപ്പുറം, കൈക്കാരന്മാര്‍, പള്ളി കമ്മിറ്റിയംഗങ്ങള്‍, തുടങ്ങിയവര്‍ നേതൃത്വം നല്‍കി.
.jpg)
.jpg&description=വിശ്വാസപ്രഖ്യാപനറാലി നടന്നു. ){kind=link}
0 Comments