.webp)
ഭാരതീയ വിദ്യാനികേതന്റെ ആഭിമുഖ്യത്തില്‍ കോട്ടയം ജില്ലാ കലോത്സവം കച്ഛപി തരംഗ് നവംബര്‍ 28, 29 തീയതികളില്‍ കടുത്തുരുത്തി കാരിക്കോട് ശ്രീ സരസ്വതി വിദ്യാമന്ദിര്‍ സീനിയര്‍ സെക്കന്‍ഡറി സ്‌കൂളില്‍ നടക്കും. രണ്ടുദിവസങ്ങളിലായി എട്ടു വേദികളില്‍ ആയാണ് മത്സരം നടക്കുന്നത്. 1500ല്‍ പരം കലാ പ്രതിഭകള്‍ മത്സരത്തില്‍ പങ്കുചേരും. കലോത്സവത്തിന്റെ ഉദ്ഘാടനം ഇരുപത്തിയെട്ടാം തീയതി വെള്ളിയാഴ്ച രാവിലെ 9 30ന് പ്രസിദ്ധ സിനിമാ നടന്‍ രമേഷ് പിഷാരടി നിര്‍വഹിക്കും. സ്‌കൂള്‍ ചെയര്‍മാന്‍ എം എ വാസുദേവന്‍ നമ്പൂതിരി അധ്യക്ഷത വഹിക്കും. മോന്‍സ് ജോസഫ് എംഎല്‍എ മുഖ്യ അതിഥിയായിരിക്കും. ഭാരതീയ വിദ്യാനികേതന്‍ സംസ്ഥാന ജനറല്‍ സെക്രട്ടറി എ എന്‍ രാധാകൃഷ്ണന്‍ മുഖ്യപ്രഭാഷണം നടത്തും. മുളക്കുളം ഗ്രാമപഞ്ചായത്ത് പ്രസിഡന്റ് ടി കെ വാസുദേവന്‍ നായര്‍ ആശംസകള്‍ അര്‍പ്പിക്കും. 29ന് നടക്കുന്ന സമാപന സമ്മേളനത്തില്‍ പ്രസിദ്ധ തിരക്കഥാകൃത്ത് അഭിലാഷ് പിള്ള സമ്മാനദാനം നിര്‍വഹിക്കുമെന്നും സംഘാടകസമിതി ഭാരവാഹികള്‍ കടുത്തുരുത്തി പ്രസ് ക്ലബ്ബില്‍ വാര്‍ത്ത സമ്മേളനത്തില്‍ വിശദീകരിച്ചു. സ്വാഗതസംഘം ചെയര്‍മാന്‍ പി.ജി. രാധാകൃഷ്ണന്‍, ജനറല്‍ കണ്‍വീനര്‍ ആര്‍ രഞ്ജിത്ത്, ഭാരതീയ വിദ്യാനികതന്‍ ജില്ലാ അധ്യക്ഷന്‍ പി വേണുഗോപാല്‍ സെക്രട്ടറി ഉണ്ണികൃഷ്ണന്‍ പ്രോഗ്രാം ജനറല്‍ കോഡിനേറ്റര്‍ ഉണ്ണികൃഷ്ണന്‍ വിദ്യാലയ സമിതി പ്രസിഡണ്ട് എം മധു , എന്‍. ഹരി ശര്‍മ തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു
.jpg)
.webp&description=ഭാരതീയ വിദ്യാനികേതന്റെ കോട്ടയം ജില്ലാ കലോത്സവം){kind=link}
0 Comments