കാണക്കാരി പഞ്ചായത്തിന്റെ ഭരണം എല്‍.ഡി.എഫില്‍ നിന്നും തിരിച്ചു പിടിച്ച്, യുഡിഎഫ് അധികാരത്തിലേക്ക്.

കാണക്കാരി പഞ്ചായത്തിന്റെ ഭരണം എല്‍.ഡി.എഫില്‍ നിന്നും തിരിച്ചു പിടിച്ച്,  യുഡിഎഫ് അധികാരത്തിലേക്ക്. ആകെയുള്ള 17 സീറ്റുകളില്‍ 10 സീറ്റ് യുഡിഎഫ് നേടി. കോണ്‍ഗ്രസ്-7, കേരള കോണ്‍ഗ്രസ് ജോസഫ് വിഭാഗം 3 എന്ന നിലയിലാണ് കക്ഷിനില. എല്‍ഡിഎഫിന്  4 സീറ്റുകള്‍ മാത്രമാണ് ലഭിച്ചത്. കേരള കോണ്‍ഗ്രസ് എം ന് - മൂന്നും സിപിഎം ന് ഒരു സീറ്റും ലഭിച്ചു.  ബിജെപി ഇത്തവണ -3 സീറ്റുകളാണ് നേടിയത്. പഞ്ചായത്തില്‍ വികസന മുരടിപ്പിന്റെ കാലഘട്ടം  അവസാനിച്ചെന്നും ജനക്ഷേമ പ്രവര്‍ത്തനങ്ങള്‍ക്ക് UDF നേതൃത്വം നല്‍കുമെന്നും  യുഡിഎഫ് നേതാക്കളായ തമ്പി ജോസഫും, റോയി ചാണകപ്പാറയും പറഞ്ഞു. 

നിലവില്‍ പഞ്ചായത്ത് പ്രസിഡന്റായ അംബികാ സുകുമാരന്റെ നേതൃത്വത്തിലുള്ള എല്‍ഡിഎഫിന് 4 സീറ്റുകള്‍ മാത്രമാണ് നേടാന്‍ കഴിഞ്ഞത്. കഴിഞ്ഞ തവണ UDF ന് മൂന്നു സീറ്റുകള്‍ മാത്രമാണ് ഉണ്ടായിരുന്നത്. ബ്ലോക്ക് പഞ്ചായത്ത് ഡിവിഷനുകളിലും ജില്ലാ പഞ്ചായത്ത് ഡിവിഷനിലും UDF ന് ഉയര്‍ന്ന ഭൂരിപക്ഷം നേടാനും കഴിഞ്ഞു. ഞായറാഴ്ച അംഗങ്ങളുടെ  സത്യപ്രതിജ്ഞയ്ക്കു ശേഷം പുതിയ പ്രസിഡന്റ് ആരാകണമെന്ന് UDF നേതൃത്വം തീരുമാനമെടുക്കും. കോണ്‍ഗ്രസും കേരള കോണ്‍ഗ്രസും നിശ്ചിത കാലയളവില്‍  പ്രസിഡന്റ് സ്ഥാനം  വഹിക്കും.  യുഡിഎഫില്‍ നിന്നുളള മുന്‍ പഞ്ചായത്ത് പ്രസിഡന്റ് റെജി ജോസഫ്, റോയി ചാണകപ്പാറ.മരീന തമ്പി തുടങ്ങിയവരുടെ പേരുകള്‍ ചര്‍ച്ച ചെയ്യപ്പെടുന്നുണ്ടെങ്കിലും തീരുമനത്തിലെത്തിയിട്ടില്ലെന്ന് UDF നേതാക്കള്‍ പറഞ്ഞു.