കടുത്തുരുത്തി സെന്റ് മേരീസ് ഫൊറോന താഴത്തുപള്ളി പുതിയതായി നിര്മ്മിച്ച മരിയന് കണ്വെന്ഷന് സെന്ററിന്റെയും, ഷോപ്പിംഗ് കോംപ്ലക്സിന്റെയും വെഞ്ചരിപ്പും ഉദ്ഘാടനവും ഡിസംബര് 16ന് നടക്കും. വൈകീട്ട് നാലിന് പാലാ രൂപത അധ്യക്ഷന് ബിഷപ്പ് മാര് ജോസഫ് കല്ലറങ്ങാട്ട് വെഞ്ചരിപ്പു കര്മ്മവും ഉദ്ഘാടനവും നിര്വഹിക്കും.
താഴത്തുപള്ളിയുടെ പഴയപള്ളിക്ക് സമീപമായിട്ടാണ് ജില്ലയിലെ തന്നെ ഏറ്റവും വലുതും അത്യാധുനിക സൗകര്യങ്ങളുള്ളതുമായ കണ്വെന്ഷന് സെന്റര് പൂര്ത്തിയാക്കിയിരിക്കുന്നത്. ആയിരത്തിലധികം പേര്ക്ക് ഒരേ സമയം ഇരുന്ന് ഭക്ഷണം കഴിക്കാവുന്ന സൗകര്യങ്ങള് ഇവിടെ ഒരുക്കിയിട്ടുണ്ട്. ഹാളിലെവിടെയിരുന്നാലും കാണാനാവുന്ന വലിയ സ്റ്റേജ്, ഇരുവശങ്ങളിലും ഗ്രീന് റൂമുകള്, സെന്ട്രലൈസഡ് എ.സി, ഭക്ഷണം ഒരുക്കി വയ്ക്കുന്നതിനും സേര്വ് ചെയ്യുന്നതിനുമുള്ള മികച്ച സൗകര്യങ്ങള്, ബാത്ത് റൂം സൗകര്യങ്ങള്, എന്നിവയുമുണ്ട്. 500 ഓളം വാഹനങ്ങള്ക്ക് ഒരേ സമയം പാര്ക്ക് ചെയ്യാവുന്ന വിശാലമായ സ്ഥല സൗകര്യങ്ങള് ഏര്പ്പെടുത്തി യിട്ടുണ്ട്. വെഞ്ചരിപ്പ് കര്മത്തെ തുടര്ന്ന് സൗഹൃദ കൂട്ടായ്മയും നടക്കുമെന്ന് വികാരി ഫാ.മാത്യു ചന്ദ്രന്കുന്നേല് അറിയിച്ചു. കോട്ടയം-എറണാകുളം റോഡിനഭിമുഖമായി ഷോപ്പിംഗ് കോപ്ലംക്സും കടുത്തുരുത്തി ബൈപ്പാസ് റോഡിനഭിമുഖമായി കണ്വെന്ഷന് സെന്ററും സ്ഥിതി ചെയ്യുന്നു. പല ഭാഗങ്ങളില് നിന്നും ഇങ്ങോട്ടേക്ക് എത്തുന്നതിനുള്ള റോഡ് സൗകര്യങ്ങളും ഒരുക്കിയിട്ടുണ്ട്. ചൊവ്വാഴ്ച്ച വൈകൂന്നേരം നാലിന് നടക്കുന്ന വെഞ്ചരിപ്പിനെ തുടര്ന്ന് നടക്കുന്ന സമ്മേളനത്തില് ബിഷപ്പ് മാര് ജോസഫ് കല്ലറങ്ങാട്ട് അധ്യക്ഷത വഹിക്കും. എംപിമാരായ ഫ്രാന്സീസ് ജോര്ജ്, ജോസ് കെ.മാണി, മോന്സ് ജോസഫ് എംഎല്എ, ഫൊറോനാ വികാരി ഫാ.മാത്യു ചന്ദ്രന്കുന്നേല് തുടങ്ങിയവര് പ്രസംഗിക്കും. ജനപ്രതിനിധികള്, വിവിധ രാഷ്ട്രീയകക്ഷി നേതാക്കള്, സമുദായ പ്രതിനിധികള്, ഇടവകാംഗങ്ങള്, നാട്ടുകാര് തുടങ്ങിയവര് പങ്കെടുക്കും.
0 Comments