ചൂരക്കുളങ്ങര ശ്രീ ഭദ്രകാളി ക്ഷേത്രത്തില്‍ മകരഭരണി തിരുവുത്സവം

ഏറ്റുമാനൂര്‍ ചൂരക്കുളങ്ങര ശ്രീ ഭദ്രകാളി ക്ഷേത്രത്തില്‍ മകരഭരണി തിരുവുത്സവം ജനുവരി 21 മുതല്‍ 27 വരെ  ആഘോഷിക്കുമെന്ന് ക്ഷേത്രം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ക്ഷേത്ര ചടങ്ങുകള്‍ക്കും വിപുലമായ കലാപരിപാടികളും പ്രാധാന്യം നല്‍കിയാണ് ഇത്തവണ ക്ഷേത്രത്തില്‍ മകര മഹോത്സവം കൊണ്ടാടുന്നത്. ഇരുപത്തിയൊന്നാം തീയതി രാവിലെ 8:30ന് ക്ഷേത്രം തന്ത്രി കടിയക്കോല്‍ കൃഷ്ണന്‍ നമ്പൂതിരിയുടെയും മേല്‍ശാന്തി പുന്നയ്ക്കല്‍ ഇല്ലത്ത് നീലകണ്ഠന്‍ നമ്പൂതിരിയും കാര്‍മികത്വത്തില്‍ കലശപൂജ, കലശാഭിഷേകം, എന്നിവ നടക്കും.

രാത്രി ഏഴിന് കലാപരിപാടികളുടെ ഉദ്ഘാടനം ഏറ്റുമാനൂര്‍ മഹാദേവ ക്ഷേത്രം അഡ്മിനിസ്‌ട്രേറ്റീവ് ഓഫീസര്‍ അഭിലാഷ് എസ്സും, ചൂരക്കുളങ്ങര ക്ഷേത്രം ട്രസ്റ്റ് പ്രസിഡന്റ് ബ്രഹ്‌മശ്രീ നാരായണന്‍ നമ്പൂതിരിയും ചേര്‍ന്ന് ഭദ്രദീപം തെളിയിച്ച് നിര്‍വഹിക്കും.  22ന് വൈകുന്നേരം അഞ്ചിന് ഭദ്രകാളിപാട്ട്, തോറ്റംപാട്ട്, 22ന് രാത്രി 7. 30ന് കഥകളി, 23ന്  രാത്രി 7ന് കോട്ടയം നന്ദഗോവിന്ദം ഭജന്‍സ് അവതരിപ്പിക്കുന്ന സാന്ദ്രാനന്ദലയം അരങ്ങേറും,  24ന്   വൈകുന്നേരം 5:30ന് വഞ്ചിപ്പാട്ട്,വൈകിട്ട് ഏഴിന് തിരുവാതിര കളി, രാത്രി 8 മുതല്‍ തിരുവനന്തപുരം അക്ഷയശ്രീയുടെ നാഗദിഗംബരി  നൃത്ത നാടകം എന്നിവ നടക്കും, 25ന് രാവിലെ പത്തിന് പൊങ്കാല നിവേദ്യം, 11 മുതല്‍ കരോക്കെ ഭക്തിഗാനമേള, 25ന് രാത്രി ഏഴിന് തിരുവാതിരകളി, 7.30ന് ക്ലാസിക്കല്‍ ഡാന്‍സ്, 26 ന് കുടംപൂജ,7ന് മോഹിനിയാട്ടം, 7.30ന് തെയ്യം എന്നിവ നടക്കും. 27ന് രാവിലെ 8:15ന് കുംഭകുടം എഴുന്നള്ളിപ്പ്, തുടര്‍ന്ന് കുംഭകുട ഘോഷയാത്ര, 12ന് കുംഭകുടം അഭിഷേകം, എന്നിവ നടക്കും.  7.30ന് താലപ്പൊലി എഴുന്നള്ളിപ്പ്, 9ന് ഭക്തിഗാനമേള, 10ന് താലപ്പൊലി എതിരേല്‍പ്പ്, ഡിജിറ്റല്‍ തെയ്യം, മേജര്‍ സെറ്റ് പാണ്ടിമേളം എന്നിവ  നടക്കും. വാര്‍ത്താസമ്മേളനത്തില്‍  ക്ഷേത്രം പ്രസിഡന്റ് നാരായണന്‍ നമ്പൂതിരി, സെക്രട്ടറി നീലകണ്ഠന്‍ നമ്പൂതിരി, ജനറല്‍ കണ്‍വീനര്‍ ബിജോ കൃഷ്ണന്‍, ഉത്സവ കമ്മറ്റി സെക്രട്ടറി കെ.എസ് സുകുമാരന്‍, ഉത്സവം പ്രോഗ്രാം കോഡിനേറ്റര്‍ വിപിന്‍ മധു, ട്രഷറര്‍ എം ശശിധരന്‍ മൂസ്സത്, വിശാഖ് എം നായര്‍, ജോയിന്‍ സെക്രട്ടറി സുധീഷ് കെ.എസ്, വൈസ് പ്രസിഡന്റ് കെ കെ രാജപ്പന്‍ എന്നിവര്‍ പങ്കെടുത്തു.