പാലാ സെന്റ് മേരീസ് ഗേള്‍സ് ഹയര്‍ സെക്കന്ററി സ്‌കൂളിന്റെ 105-ാം വാര്‍ഷികാഘോഷം നടന്നു.

പാലാ സെന്റ് മേരീസ് ഗേള്‍സ് ഹയര്‍ സെക്കന്ററി സ്‌കൂളിന്റെ 105-ാം  വാര്‍ഷികാഘോഷം സെന്റ് മേരീസ് പാരിഷ് ഹാളില്‍ നടന്നു. സമ്മേളനം മാണി സി കാപ്പന്‍ MLA ഉദ്ഘാടനം ചെയ്തു. സ്‌കൂള്‍ മാനേജര്‍ സിസ്റ്റര്‍ ലിസ് ബിന്‍ പുത്തന്‍പുര അധ്യക്ഷയായിരുന്നു. രൂപത വികാരി ജനറാള്‍ റവ ഡോ. സെബാസ്റ്റ്യന്‍ വേത്താനത്ത് മുഖ്യ പ്രഭാഷണവും ഫോട്ടോ അനാച്ഛാദനവും നിര്‍വഹിച്ചു. 

സര്‍വ്വീസില്‍ നിന്നും വിരമിക്കുന്ന ഹെഡ്മിസ്ട്രസ് സിസ്റ്റര്‍ ലിസ്യം ജോസ്, ടോം തോമസ് ,ജെസ്സി എം ജോണ്‍ , സിസ്റ്റര്‍ ആല്‍ഫി, സിസ്റ്റര്‍ സിസ്സി എന്നിവര്‍ക്ക് യാത്രയയപ്പ് നല്‍കി. കോര്‍പറേറ്റ് എജ്യൂക്കേഷണല്‍ ഏജന്‍സി സെക്രട്ടറി ഫാദര്‍ ജോര്‍ജ് പുല്ലുകാലായില്‍ അനുഗ്രഹ പ്രഭാഷണവും മൊമെന്റൊ സമര്‍പ്പണവും നിര്‍വഹിച്ചു. ളാലം സെന്റ് മേരീസ് പള്ളി വികാരി  ഫാദര്‍ ജോസഫ് തടത്തില്‍ അനുമോദന പ്രസംഗവും അനുഗ്രഹ പ്രഭാഷണവും നിര്‍വഹിച്ചു. പാലാ DEO സി സത്യപാലന്‍ പുസ്തക പ്രകാശനം നിര്‍വഹിച്ചു. നഗരസഭാംഗം ബിജി ജോജോ, PTAപ്രസിഡന്റ് പാട്രിക് ജോസഫ്. സിസ്റ്റര്‍ റജി ആന്റണി, അഞ്ജലി K.S, ജുവാന്‍ മരിയ ടോജോ, പ്രിന്‍സിപ്പല്‍ സിസ്റ്റര്‍ ജീസാ മരിയ, സ്റ്റാഫ് സെക്രട്ടറി മിനിമോള്‍ മാത്യു എന്നിവര്‍ പ്രസംഗിച്ചു. സിസ്റ്റര്‍ ലിസ്യു ജോസ് മറുപടി പ്രസംഗം നടത്തി.