അഭീഷ്ട വരദായകനായ തിരുവേറ്റുമാനൂരപ്പന്റെ മുന്നില് ശിവരാത്രി നാളില് മഹാശയന പ്രദക്ഷിണം നടന്നു. പഞ്ചാക്ഷരി മന്ത്രധ്വനികളാല് മുഖരിതമായ ക്ഷേത്ര സന്നിധിയില് അഘോര മൂര്ത്തിയായ മഹാദേവനെ തൊഴുത് ക്ഷേത്രക്കുളത്തില് മുങ്ങി കുളിച്ച് ഈറന് വസ്ത്രവും അണിഞ്ഞാണ് നോയമ്പ് നോറ്റെത്തിയ ഭക്തര് ശയനപ്രദക്ഷിണം നടത്തിയത്. ശിവരാത്രി നാളില് പുലര്ച്ചെയും ശയന പ്രദക്ഷിണം നടത്തിയിരുന്നു. നൂറു കണക്കിനാളുകള് സമൂഹ ശയന പ്രദക്ഷിണം നടത്തുമ്പോള് ശിവകീര്ത്തനങ്ങളുമായി ഭക്തര് പ്രദക്ഷണത്തിനൊപ്പം ചേര്ന്നു.
0 Comments