ലഹരിവിരുദ്ധ ബോധവത്ക്കരണ പരിപാടിക്ക് തുടക്കമായി.

ഗാന്ധിജയന്തി ആഘോഷങ്ങളുടെ ഭാഗമായി ഒരു മാസം നീണ്ടുനില്‍ക്കുന്ന ലഹരിവിരുദ്ധ ബോധവത്ക്കരണ പരിപാടിക്ക് തുടക്കമായി. എക്‌സൈസ് വകുപ്പും വിമുക്തി മിഷനും ജില്ലാ റസിഡന്റ്‌സ് അസോസിയേഷനും ചേര്‍ന്നാണ് പരിപാടി സംഘടിപ്പിക്കുന്നത്. ജില്ലാതല ഉദ്ഘാടനം ചങ്ങനാശ്ശേരി ഇ എം എസ് ടൗണ്‍ ഹാളില്‍ ജോബ് മൈക്കിള്‍ എംഎല്‍എ നിര്‍വ്വഹിച്ചു. ചങ്ങനാശ്ശേരി നഗരസഭാധ്യക്ഷ സന്ധ്യ മനോജ് അധ്യക്ഷയായിരുന്നു. നഗരസഭാംഗം കെ എം നജിയ, ഡപ്യൂട്ടി എക്‌സൈസ് കമ്മീഷണര്‍ റ്റി എ അശോക് കുമാര്‍, വിമുക്തി മിഷന്‍ ജില്ല മാനേജര്‍ സോജന്‍ സെബാസ്റ്റിയന്‍, റസിഡന്റ്‌സ് അസോസിയേഷന്‍ പ്രതിനിധികളായ കെ എം രാധാകൃഷ്ണപിള്ള, അഡ്വ. എം മധുരാജ് എന്നിവര്‍ പ്രസംഗിച്ചു.