കോവിഡ് വാക്സിനേഷന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്രമോദിയുടെ ചിത്രം നീക്കണമെന്ന ഹര്ജി ചിലവ് സഹിതം തള്ളി. കടുത്തുരുത്തി സ്വദേശി പീറ്റര് മ്യാലിപ്പറമ്പിലാണ് ഈ ആവശ്യം ഉന്നയിച്ച് ഹൈക്കോടതിയെ സമീപിച്ചിരുന്നത്. കോണ്ഗ്രസ് മണ്ഡലം പ്രസിഡന്റ് കൂടിയാണ് പീറ്റര് മ്യാലിപ്പറമ്പില്. ഹര്ജിക്ക് പിന്നില് രാഷ്ട്രീയ താല്പ്പര്യമുണ്ടെന്ന് അഭിപ്രായപ്പെട്ട കോടതി ഹര്ജിക്കാരന് ഒരു ലക്ഷം രൂപ പിഴ ചുമത്തി. പിഴ 6 ആഴ്ചക്കകം കെല്സ യില് അടയ്ക്കണം. തികച്ചും ബാലിശമായ ഹര്ജിക്ക് പിന്നില് പൊതു താല്പ്പര്യമല്ല പ്രശസ്തിക്ക് വേണ്ടിയുള്ള താല്പ്പര്യമാണ് ഉള്ളതെന്നും വിധി പ്രഖ്യാപിച്ച ജസ്റ്റിസ് പി വി കുഞ്ഞികൃഷ്ണന് അഭിപ്രായപ്പെട്ടു. കോടതികളില് ഗൗരവമുള്ള കേസുകള് കെട്ടിക്കിടക്കുമ്പോള് ഇത്തരം അനാവശ്യ ഹര്ജികള് പ്രോത്സാഹിപ്പിക്കാനാകില്ലെന്നും വിധിയില് വ്യക്തമാക്കിയിട്ടുണ്ട്.
0 Comments