കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് നഴ്സിംഗ് വിദ്യാര്ത്ഥികള്ക്കായി പഠന ശിബിരം സംഘടിപ്പിച്ചു. കോട്ടയം എസ്.എച്ച് കോളേജ് ഓഫ് നഴ്സിംഗിലെ ബി.എസ്.സി നഴ്സിംഗ് വിദ്യാര്ത്ഥികള്ക്കായി സംഘടിപ്പിച്ച പഠന ശിബിരത്തിന്റെ ഉദ്ഘാടനം തെള്ളകം ചൈതന്യയില് അഡ്വ. മോന്സ് ജോസഫ് എം.എല്.എ നിര്വ്വഹിച്ചു. കോട്ടയം അതിരൂപത മലങ്കര സഹായ മെത്രാന് ഗിവര്ഗ്ഗീസ് മാര് അപ്രേം ചടങ്ങില് അദ്ധ്യക്ഷത വഹിച്ചു. കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, അസി. ഡയറക്ടര് ഫാ. മാത്യുസ് വലിയപുത്തന്പുരയില്, ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ്, കോട്ടയം എസ്.എച്ച് കോളേജ് ഓഫ് നഴ്സിംഗ് വൈസ് പ്രിന്സിപ്പല് ഡോ. സബീന തോമസ് എന്നിവര് പ്രസംഗിച്ചു. കെ.എസ്.എസ്.എസ് പ്രോഗ്രാം ഓഫീസര് ഷൈല തോമസ്, സ്പെഷ്യല് എജ്യുക്കേറ്റര് സിസ്റ്റര് സിമി എന്നിവര് പഠന ശിബിരത്തിന് നേതൃത്വം നല്കി.
0 Comments