ഏറ്റുമാനൂരില്‍ കാര്‍ റിപ്പയറിംഗ് സെന്ററില്‍ തീപിടുത്തം. റിപ്പയര്‍ ചെയ്ത് കൊണ്ടിരുന്ന കാര്‍ കത്തിനശിച്ചു. അതിരമ്പുഴ റോഡില്‍ പ്രവര്‍ത്തിക്കുന്ന ഇവിഎം സ്‌കോഡ സര്‍വീസ് സെന്ററിലാണ് 3 മണിയോടെ തീപിടുത്തമുണ്ടായത്. ഇലക്ട്രിക് ഷോര്‍ട് സര്‍ക്യൂട്ടാണ് തീപിടുത്തത്തിന് കാരണമെന്ന് കരുതുന്നു. റിപ്പയര്‍ ചെയ്ത് കൊണ്ടിരുന്ന കാര്‍ തീപിടിച്ച് ആളിക്കത്തിയതോടെ സമീപത്തുണ്ടായിരുന്ന കാറുകളിലേയ്ക്കും തീ പടര്‍ന്നു. 3 കാറുകള്‍ ഭാഗികമായി കത്തിനശിച്ചു. പാലായില്‍ നിന്നും കടുത്തുരുത്തിയില്‍ നിന്നും കോട്ടയത്ത് നിന്നും ഫയര്‍ഫോഴ്‌സ് എത്തിയാണ് തീയണച്ചത്. തീ ആളിപ്പടര്‍ന്നെങ്കിലും സര്‍വീസ് സെന്ററിലെ ജീവനക്കാര്‍ പരിക്കേല്‍ക്കാതെ രക്ഷപെട്ടു. സമീപത്തെ വ്യാപാരികളും നാട്ടുകാരും സമയോചിതമായി ഇടപെട്ടതോടെ തീ പടരുന്നത് ഒഴിവാക്കാനായി.
.webp)
0 Comments