പാലാ നഗരസഭാ പ്രദേശത്ത് വിവിധ കേന്ദ്രങ്ങളില് സ്റ്റീലില് തീര്ത്ത മോഡുലാര് ടോയ്ലറ്റുകള് തുറന്നുകൊടുത്തു. ടൗണ് ബസ് സ്റ്റാന്ഡ്, ആയുര്വേദ ആശുപത്രി, രണ്ടാം വാര്ഡില് ളാലം സ്കൂള് തുടങ്ങിയ കേന്ദ്രങ്ങളിലും, മൂന്നാനി ഡ്രൈവിംഗ് പരിശീലന ഗ്രൗണ്ടിലുമാണ് ടോയ്ലറ്റുകള് സ്ഥാപിച്ചത്. നഗരസഭാ ചെയര്മാന് ആന്റോ ജോസ് പടിഞ്ഞാറേക്കര പാലാ ടൗണ് ബസ് സ്റ്റാന്ഡില് പദ്ധതിയുടെ ഉദ്ഘാടനം നിര്വ്വഹിച്ചു. ആരോഗ്യസ്ഥിരം സമിതി ചെയര്മാന് ബൈജു കൊല്ലംപറമ്പില് പദ്ധതി വിശദീകരിച്ചു .12 ലക്ഷം രൂപ മുടക്കി വാര്ഷിക പദ്ധതിയില് ഉള്പ്പെടുത്തിയാണ് സ്റ്റീല് നിര്മ്മിത മോഡുലാര് ടോയ്ലറ്റുകള് വിവിധ കേന്ദ്രങ്ങളില് സ്ഥാപിച്ചത്, ഒരോ റൂമിനും 1000 ലിറ്റര് വാട്ടര് ടാങ്കും, പ്രത്യേകം സെപ്റ്റിക് ടാങ്കും, വാഷ് ബേയ്സിനും സ്ഥാപിച്ചിട്ടുണ്ട് .ഇതോടെ നഗരപ്രദേശത്ത് പ്രധാന കേന്ദ്രങ്ങളിലെല്ലാം ശുചി മുറികളുടെ ആവശ്യം പരിഹരിക്കാന് കഴിഞ്ഞിട്ടുള്ളതായി ആരോഗ്യ സ്ഥിരം സമിതി ചെയര്മാന് ബൈജു കൊല്ലം പറമ്പില് പറഞ്ഞു. നഗരസഭ ജീവനക്കാര് ഇതിന്റെ പരിപാലനവും നിര്വ്വഹിക്കും. വാര്ഡ് കൗണ്സിലര് ബിജി ജോജോ , സ്റ്റാന്റിംഗ് കമ്മറ്റി ചെയര്മാന്മാരായ ഷാജു വി. തുരുത്തന്, നീനാ ചെറുവള്ളി, തോമസ് പീറ്റര്, കൗണ്സിലര്മാരായ ലീനാ സണ്ണി, എഞ്ചിനീയര് സിയാദ്, എച്ച്.ഐ വിശ്വം, ജെ.എച്ച്.ഐ മാരായ, രഞ്ജിത്ത്, ജഫീസ്, ഉമേഷിതാ ബിസ്മി, കംഫര്ട്ട് കമ്പനി എം.ഡി ഗോപകുമാര്, എന്നിവരും പങ്കെടുത്തു.
0 Comments