വീടുകളില് വളര്ത്തുന്ന നായ്ക്കള്ക്ക് പേവിഷബാധ കുത്തിവെയ്പും തദ്ദേശ സ്ഥാപനങ്ങളില് നിന്നുള്ള ലൈസന്സും നിര്ബന്ധമാക്കുന്നു. തദ്ദേശസ്ഥാപനങ്ങളുടെ നേതൃത്വത്തില് വിവിധ കേന്ദ്രങ്ങളില് പ്രതിരോധ കുത്തിവെയ്പ് ആരംഭിച്ചു. കടുത്തുരുത്തി പഞ്ചായത്തിലെ എല്ലാ വാര്ഡുകളിലും പ്രതിരോധ കുത്തിവയ്പുകള് നടത്തുമെന്ന് പഞ്ചായത്ത് അധികൃതര് പറഞ്ഞു. ഓരോ വാര്ഡിലും 5 കേന്ദ്രങ്ങളില് 13 മുതല് 15 വരെയാണ് വാക്സിനേഷന് ക്യാമ്പ്. നീണ്ടൂര് പഞ്ചായത്തില് 14 മുതല് 16 വരെ കൈപ്പുഴ മൃഗാശുപത്രിയില് കുത്തിവയ്പ് നടത്തും. കിടങ്ങൂര് പഞ്ചായത്തില് സെപ്റ്റംബര് 14 മുതല് 20 വരെ വാക്സിനേഷന് ക്യാമ്പുകള് നടത്തും. രാവിലെ 9 മുതല് ഉച്ചയക്ക് 1 വരെ മൃഗാശുപത്രിയില് വാക്സിനേഷന് സൗകര്യമൊരുക്കിയതായി വെറ്ററിനറി സര്ജ്ജന് അറിയിച്ചു.
0 Comments