.webp)
ഇല്ലിക്കല് - തിരുവാര്പ്പ് റോഡില് ചേരിക്കല് ഭാഗത്ത് പുതുതായി നിര്മിച്ച പാലത്തിന്റെയും അപ്രോച്ച് റോഡിന്റെയും ഉദ്ഘാടനം ഡിസംബര് 14 ന് വൈകിട്ട് 4 മണിക്ക് പൊതുമരാമത്ത് - ടൂറിസം, യുവജനക്ഷേമകാര്യ വകുപ്പ് മന്ത്രി പി.എ. മുഹമ്മദ് റിയാസ് നിര്വ്വഹിക്കും. എറ്റുമാനൂര് നിയോജക മണ്ഡലത്തിലെ തിരുവാര്പ്പ് ഗ്രാമപഞ്ചായത്തിനെ പുറംലോകവുമായി ബന്ധിപ്പിക്കുന്ന എക റോഡായ ഇല്ലിക്കല് തിരുവാര്പ്പ് ക്ഷേത്രം റോഡില് ചേരിക്കല് ഭാഗത്തെ മീനച്ചിലാറിന്റെ സംക്ഷണ ഭിത്തി തകര്ന്ന് റോഡിന്റെ ഒരു ഭാഗം ആറ്റിലേയ്ക്ക് പതിച്ച് ഗതാഗതം പൂര്ണ്ണമായും തടസപ്പെട്ടിരുന്നു. പിന്നീട് സ്വകാര്യ ഭൂമിയിലൂടെ താല്ക്കാലിക പാത നിര്മിച്ചായിരുന്നു ഗതാഗതം പുനഃസ്ഥാപിച്ചത്. ഇതിന് ശാശ്വത പരിഹാരമായാണ് 1375 മീറ്റര് നീളത്തില് പുതുതായി പാലവും അപ്രോച്ച് റോഡും നിര്മിച്ചത്. ഇല്ലിക്കല് കവലയില് നടക്കുന്ന ചടങ്ങില് സഹകരണ - രജിസ്ട്രേഷന് - സാംസ്കാരിക വകുപ്പ് മന്ത്രി വി.എന്. വാസവന് അദ്ധ്യക്ഷത വഹിക്കും. തോമസ് ചാഴിക്കാടന് എം.പി. മുഖ്യപ്രഭാഷണം നിര്വഹിക്കും. ജില്ലാ കളക്ടര് ഡോ. പി.കെ. ജയശ്രീ , ഏറ്റുമാനൂര് ബ്ലോക്ക് പഞ്ചായത്ത് പ്രസിഡന്റ് ആര്യാ രാജന്, തിരുവാര്പ്പ് ഗ്രാമപഞ്ചായത്ത് പ്രസിഡന്റ് അജയന് കെ. മേനോന് , തിരുവാര്പ്പ് ഗ്രാമ പഞ്ചായത്ത് വൈസ് പ്രസിഡന്റ് രശ്മി പ്രസാദ്, മറ്റ് രാഷ്ട്രീയ പാര്ട്ടി പ്രതിനിധികള് തുടങ്ങിയവര് പ്രസംഗിക്കും.
.webp&description=പാലത്തിന്റെയും അപ്രോച്ച് റോഡിന്റെയും ഉദ്ഘാടനം ഡിസംബര് 14 ന്){kind=link}
0 Comments