ഏറ്റുമാനൂര് ക്രിസ്തുരാജ പള്ളിയില് ക്രിസ്മസ് കരോള് ഗാന മത്സരം ജിംഗിള് ബെല്സ് 2022 ഡിസംബര് 17 ന് നടക്കും. വെ.എം.സി.എ.യുടെയും, യുവദീപ്തി എസ്.എം.വൈ.എം ന്റേയും നേതൃത്വത്തില് ചങ്ങനാശേരി അതിരൂപതയിലെ പള്ളി ഗായക സംഘങ്ങളുടെ പങ്കാളിത്തത്തോടെയാണ് ക്രിസ്മസ് കരോള് ഗാന മത്സരം സംഘടിപ്പിക്കുന്നതെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ഒന്നാം സമ്മാനം നേടുന്ന ടീമിന് 10,000 രൂപയും , രണ്ടാം സ്ഥാനത്തെത്തുന്നവര്ക്ക് 8000 രൂപയും, മൂന്നാം സ്ഥാനക്കാര്ക്ക് 5000 രൂപയും സമ്മാനമായി ലഭിക്കും. ക്രിസ്തുരാജ പള്ളി ഓഡിറ്റോറിയത്തില് ശനിയാഴച ഉച്ചകഴിഞ്ഞ് മൂന്നിന് വികാരി ഫാ. ജോസ് മുകുളേല് ഉദ്ഘാടനം ചെയ്യും. വാര്ത്താ സമ്മേളനത്തില് വൈ.എം.സി.എ. ഏറ്റുമാനൂര് യുണിറ്റ് പ്രസിഡന്റ് അനില് നെല്സ് സഖറിയാസ്, വൈസ് പ്രസിഡന്റ് ജോണ്സണ് തീയാട്ടു പറമ്പ്, യുവദീപ്തി എസ്.എം.വൈ.എം. പ്രസിഡന്റ് ആഷിക് സാബു, വിനോദ് മാത്യു വെട്ടൂര്, സജി ജെയിംസ് എന്നിവര് പങ്കെടുത്തു.
0 Comments