പാലാ ജനറല് ആശുപത്രിയില് മദ്യപ സംഘത്തിന്റെ അതിക്രമം. മദ്യപസംഘത്തിന്റെ. ആക്രമണത്തില് സെക്യൂരിറ്റി ജീവനക്കാരന് നിതിനു പരിക്ക്. തിങ്കളാഴ്ച രാത്രി പതിന്നൊന്നരടെയാണ് സംഭവം. ആശുപത്രിയില് അഡ്മിറ്റായ ഭാര്യയെ കാണാന് എത്തിയ രാമപുരം സ്വദേശി മനു മുരളിയും സംഘവും ആണ് ആശുപത്രിയില് ഭീകരാന്തരീഷം സൃഷ്ടിക്കുകയും സെക്യൂരിറ്റി ജീവനക്കാരനെ ആക്രമിക്കുകയും ചെയ്തത്. വാര്ഡില് അഡ്മിറ്റ് ചെയ്ത ഭാര്യയുടെ അടുത്ത് എത്തി അവിടെ ഡ്യൂട്ടിയിലുണ്ടായിരുന്നവരുമായി മനുവും കൂടെ എത്തിയ നാലുപേരും ചേര്ന്ന് വാക്ക് തര്ക്കത്തില് ഏര്പ്പെട്ടു. ആശുപത്രിയിലെ ജീവനക്കാര് അറിയിച്ചതിനെ തുടര്ന്ന് സെക്യൂരിറ്റി ജീവനക്കാരന് എത്തുകയായിരുന്നു. പിന്നീട് മനുവും സംഘവും ആക്രമസക്തരായി സെക്യൂരിറ്റി ജീവനക്കാരനു നേരെ തിരിഞ്ഞു. ഇവര് സംഘം ചേര്ന്നു സെക്യൂരിറ്റി ജീവനക്കാരനായ നിതിനെ ആക്രമിക്കുകയായിരുന്നു. തുടര്ന്ന് മനുവും സംഘവും ഹോസ്പിറ്റലിന്റെ ജനല് ചില്ലുകള് എറിഞ്ഞു തകര്ത്തു.കല്ലു കൊണ്ടുള്ള ആക്രമണത്തില് നിതിന്റെ രണ്ട് കൈവിരലുകള്ക്ക് പൊട്ടല് ഏറ്റിട്ടുണ്ട്. ആക്രമി മനുവിനെ പാലാ പോലീസ് അറസ്റ്റ് ചെയ്തു.മൂന്നു മാസങ്ങള്ക്കു മുന്പ് മറ്റൊരു മദ്യപസംഘം ആശുപത്രിയിലെ ഡോക്ടര്മാര്ക്കെതിരെ ആക്രമണം നടത്തിയിരുന്നു. പാലാ ഗവണ്മെന്റ് ആശുപത്രിയില് നിലവില് ഉണ്ടായിരുന്ന പോലീസ് എയ്ഡ് പോസ്റ്റ് ഇപ്പോള് നിലവില് ഇല്ല. ആശുപത്രിയില് പോലീസ് എയ്ഡ് പോസ്റ്റ് വേണമെന്ന ആവശ്യം ശക്തമാവുകയാണ്.
0 Comments