സംസ്ഥാന സ്‌കൂള്‍ കലോത്സവത്തില്‍ കിടങ്ങൂര്‍ എന്‍.എസ്.എസ് ഹയര്‍ സെക്കന്ററി സ്‌കൂള്‍ തിളക്കമാര്‍ന്ന പ്രകടനം കാഴ്ചവച്ചു. ഹയര്‍ സെക്കന്‍ഡറി വിഭാഗത്തില്‍ നിന്ന് തിരുവാതിര, നാടന്‍പാട്ട്, സംസ്‌കൃത കഥാ രചന , അക്ഷരശ്ലോകം എന്നീ ഇനങ്ങളിലും ഹൈസ്‌കൂള്‍ വിഭാഗത്തില്‍നിന്ന് നാടന്‍പാട്ട് , വഞ്ചിപ്പാട്ട് എന്നിവയിലുമാണ് സ്‌കൂളിലെ കലാപ്രതിഭകള്‍ മത്സരിച്ചത്. നാടന്‍പാട്ട് , വഞ്ചിപ്പാട്ട് ,തിരുവാതിര , അക്ഷരശ്ലോകം, സംസ്‌കൃത കഥാരചന എന്നിവയില്‍ എ ഗ്രേഡോടെ വിജയം നേടിയപ്പോള്‍ ഹയര്‍സെക്കന്‍ഡറി വിഭാഗം നാടന്‍പാട്ടിന് ബി ഗ്രേഡും ലഭിച്ചു. റവന്യൂ ജില്ലാ മത്സരത്തില്‍ തിരുവാതിര കളിയില്‍ രണ്ടാം സ്ഥാനത്തേക്ക് പിന്തള്ളപ്പെട്ട സ്‌കൂള്‍ ടീം അപ്പീലിലൂടെയാണ് സംസ്ഥാന കലോത്സവത്തില്‍ പങ്കെടുത്തത്. കിടങ്ങൂരിന്റെ തിരുവാതിരയിലെ മികവ് കോഴിക്കോട്ട് നടന്ന മത്സരത്തില്‍ എ ഗ്രേഡ് നേടിയാണ് വിദ്യാര്‍ത്ഥിനികള്‍ തെളിയിച്ചത്. റവന്യൂ ജില്ലാ മത്സരത്തില്‍ ഒന്നാം സ്ഥാനം കരസ്ഥമാക്കിയ ടീമിനേക്കാള്‍ പോയിന്റ് നേടിയാണ് എ ഗ്രേഡ് കരസ്ഥമാക്കിയത് എന്നത് തിരുവാതിര ടീമിന്റെ അഭിമാനാര്‍ഹമായ നേട്ടമാണ്. കലോത്സവത്തില്‍ പങ്കെടുത്ത കുട്ടികളെല്ലാം മികച്ച പ്രകടനമാണ് കാഴ്ചവച്ചതെന്ന് അധ്യാപകര്‍ പറഞ്ഞു. സംസ്ഥാനതലത്തില്‍ മികവു തെളിയിച്ച കുട്ടികളെ അധ്യാപകരും PTA യും അഭിനന്ദിച്ചു.
.webp)
.webp)
.webp)
0 Comments