വെയിലത്ത് പണിയെടുക്കുന്ന തൊഴിലാളികളുടെ തൊഴില്‍ സമയം പുനക്രമീകരിച്ചു

സംസ്ഥാനത്ത് പകല്‍ചൂട് രൂക്ഷമായ സാഹചര്യത്തില്‍ വെയിലത്ത് പണിയെടുക്കുന്ന തൊഴിലാളികളുടെ തൊഴില്‍ സമയം മാര്‍ച്ച് രണ്ടു മുതല്‍ ഏപ്രില്‍ 30 വരെ പുനക്രമീകരിച്ചു.  ലേബര്‍ കമ്മീഷണര്‍ ഉത്തരവായി ജോലി ക്രമീകരണം പാലിച്ചില്ലെങ്കില്‍ നടപടിയെടുക്കുമെന്നും അധികൃതര്‍ പറയുന്നു. പകല്‍ സമയം വെയിലത്ത് ജോലി ചെയ്യുന്ന എല്ലാ തൊഴിലാളികള്‍ക്കും ഉച്ചയ്ക്ക് 12 മുതല്‍ മൂന്നു വരെ വിശ്രമവേള ആയിരിക്കും ഇവരുടെ ജോലി സമയം രാവിലെ ഏഴു മുതല്‍ വൈകിട്ട് 7 വരെയുള്ള സമയത്തിനുള്ളില്‍ എട്ടുമണിക്കൂറായി നിജപ്പെടുത്തിയിട്ടുണ്ട് ഷിഫ്റ്റ് വ്യവവസ്ഥയില്‍ ജോലി ചെയ്യുന്ന തൊഴിലാളികള്‍ക്ക് രാവിലത്തെ ഷിഫ്റ്റ് ഉച്ചയ്ക്ക് 12ന് അവസാനിക്കുന്ന തരത്തിലും ഉച്ചയ്ക്ക് ശേഷമുള്ള ഷിഫ്റ്റ് വൈകിട്ട് മൂന്നിന് ആരംഭിക്കുന്ന പ്രകാരവും പുനക്രമീകരിച്ചിട്ടുണ്ട് ഇക്കാര്യം ഉറപ്പാക്കാന്‍ ജില്ലാ ലേബര്‍ ഓഫീസര്‍മാരുടെ നേതൃത്വത്തില്‍ പരിശോധന നടത്തുന്നുണ്ട് നിയമലംഘനം കണ്ടെത്തിയാല്‍ ജോലി നിര്‍ത്തിവയ്ക്കുന്നത് അടക്കമുള്ള നിയമനടപടികള്‍ സ്വീകരിക്കുമെന്ന് ജില്ലാ ലേബര്‍ ഓഫീസ് സര്‍ അറിയിച്ചു