കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് ഡൗണ്സിന്ഡ്രോം ദിനാചരണം സംഘടിപ്പിച്ചു. ശരീരത്തിലെ ക്രോമസോമുകളുടെ എണ്ണത്തിലുള്ള വ്യതിയാനത്തെ തുടര്ന്ന് ജനിതക വൈകല്യാവസ്ഥയില് ഉള്ളവരെ അനുസ്മരിക്കുന്നതിനായാണ് ഡൗണ്സിന്ഡ്രോം ദിനം ആചരിക്കുന്നത്. തെള്ളകം ചൈതന്യയില് സംഘടിപ്പിച്ച ദിനാചരണത്തിന്റെ ഉദ്ഘാടനം കോട്ടയം ജില്ലാ പഞ്ചായത്ത് പ്രസിഡന്റ് കെ.വി ബിന്ദു നിര്വ്വഹിച്ചു. അതിരമ്പുഴ ഗ്രാമപഞ്ചായത്ത് പ്രസിഡന്റ് സജി തടത്തില് ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, കോട്ടയം മുനിസിപ്പല് ചെയര്പേഴ്സണ് ബിന്സി സെബാസ്റ്റ്യന്, കെ.എസ്.എസ്.എസ് അസി. ഡയറക്ടര് ഫാ. സിജോ ആല്പ്പാറയില്, അതിരമ്പുഴ ഗ്രാമപഞ്ചായത്ത് വൈസ് പ്രസിഡന്റ് ആലീസ് ജോസഫ് എന്നിവര് പ്രസംഗിച്ചു. ദിനാചരണത്തോടനുബന്ധിച്ച് ഡൗണ്സിന്ഡ്രോം നേരിടുന്ന കുട്ടികളുടെ മാതാപിതാക്കള്ക്കായി സെമിനാറും കുട്ടികള്ക്കായി വിവിധ കലാപരിപാടികളും, മത്സരങ്ങളും സംഘടിപ്പിച്ചു. ഡൗണ് സിന്ഡ്രോം നേരിടുന്ന കുട്ടികളും അവരുടെ മാതാപിതാക്കളും ദിനാചരണത്തില് പങ്കെടുത്തു.
0 Comments