.jpeg)
സ്വകാര്യ പേപ്പര് മില്ലില് നിന്നും മോട്ടോറുകള് മോഷ്ടിച്ചു കൊണ്ടുപോയ കേസില് മൂന്നു പേരെ പോലീസ് അറസ്റ്റ് ചെയ്തു. കടപ്ലാമറ്റം വയലാ പുത്തനങ്ങാടി ഭാഗത്ത് കളപ്പുരയില് അലന് കെ സജി (19), കുറവിലങ്ങാട് പള്ളിയമ്പ് ഭാഗത്ത് ചാലശ്ശേരില് അഖില് മധു (19), കുറവിലങ്ങാട് പകലോമറ്റം ചാമക്കാല ഓരത്ത് വീട്ടില് അലന് സന്തോഷ് (19) എന്നിവരെയാണ് കുറവിലങ്ങാട് പോലീസ് അറസ്റ്റ് ചെയ്തത്.
ഇവര് മാന്നാനം മുണ്ഡകപ്പാടം സ്വദേശിയുടെ കുറവിലങ്ങാട് അരുവിക്കല് ക്ഷേത്രത്തിനു സമീപം സ്ഥിതി ചെയ്യുന്ന വെങ്കിടേശ്വര പേപ്പര് ഇന്ഡസ്ട്രീസ് എന്ന സ്ഥാപനത്തില് നിന്നും പേപ്പര് നിര്മാണത്തിന് ഉപയോഗിക്കുന്ന വിവിധതരത്തിലുള്ള 7 മോട്ടോറുകള് മോഷ്ടിച്ചു കൊണ്ടു പോവുകയായിരുന്നു. കൊറോണയോടനുബന്ധിച്ച് സ്ഥാപനം പ്രവര്ത്തിക്കാതിരിക്കുകയായിരുന്നു. ഉടമ ഇടയ്ക് കമ്പനിയില് വന്ന് മെഷീനുകള് പ്രവര്ത്തിപ്പിച്ചിട്ട് പോവുകയായിരുന്നു പതിവ്. കഴിഞ്ഞ ദിവസം കമ്പനിയില് എത്തുകയും മോട്ടോറുകള് മോഷണം പോയതായി കണ്ടതിനെത്തുടര്ന്ന് പോലീസില് പരാതി നല്കുകയും ആയിരുന്നു.
കുറവിലങ്ങാട് പോലീസ് കേസ് രജിസ്റ്റര് ചെയ്യുകയും, ജില്ലാ പോലീസ് മേധാവി കെ.കാര്ത്തിക്കിന്റെ നേതൃത്വത്തില് ഉള്ള അന്വേഷണസംഘം ശാസ്ത്രീയമായ പരിശോധനക്കൊടുവില് ഇവരാണ് സ്ഥാപനത്തില് നിന്നും മോട്ടറുകള് മോഷ്ടിച്ചത് എന്ന് കണ്ടെത്തുകയുമായിരുന്നു. കുറവിലങ്ങാട് സ്റ്റേഷന് എസ്.എച്ച്.ഓ നിര്മ്മല് ബോസ്, എസ്.ഐ വിദ്യ വി, അജി ആര്, എ.എസ്.ഐ വിനോദ് കുമാര്, സി.പി.ഓ മാരായ അരുണ്കുമാര് പി സി, ജോജി എന്നിവരും അന്വേഷണ സംഘത്തില് ഉണ്ടായിരുന്നു. ഇവരെ കോടതിയില് ഹാജരാക്കി.
.jpeg&description=സ്വകാര്യ പേപ്പര് മില്ലില് നിന്നും മോട്ടോറുകള് മോഷ്ടിച്ചു കൊണ്ടുപോയ കേസില് മൂന്നു പേരെ പോലീസ് അറസ്റ്റ് ചെയ്തു.){kind=link}
0 Comments