തീക്കോയി തലനാട് റോഡിന്റെ നവീകരണ പ്രവര്ത്തനങ്ങള് മാണി സി കാപ്പന് എംഎല്എ വിലയിരുത്തി. 6.9 കോടി രൂപ മുടക്കി 5 കിലോമീറ്റര് ദൂരമാണ് അന്താരാഷ്ട്രാനിലവാരത്തില് ബി എം ബി സി ചെയ്തു നവീകരിക്കുന്നത്. തിരഞ്ഞെടുപ്പ് കാലത്ത് ജനങ്ങള്ക്കു നല്കിയ വാഗ്ദാനം നിറവേറ്റാന് സാധിച്ചതില് സന്തോഷമുണ്ടെന്ന് എം എല് എ പറഞ്ഞു. വികസന പ്രവര്ത്തനങ്ങള് നഗര കേന്ദ്രീകൃതമാകാതെ എല്ലായിടത്തും എത്തിക്കും. വികസനത്തില് രാഷ്ട്രീയം ഇല്ലെന്നും മാണി സി കാപ്പന് വ്യക്തമാക്കി. ഈരാറ്റുപേട്ട ബ്ലോക്ക് പഞ്ചായത്ത് വൈസ് പ്രസിഡന്റ് കുര്യന് നെല്ലുവേലി, ഗ്രാമ പഞ്ചായത്ത് വൈസ് പ്രസിഡന്റ് സോളി ഷാജി, എ ജെ സെബാസ്റ്റ്യന് അങ്ങാടിയ്ക്കല്, രോഹിണിഭായ് ഉണ്ണികൃഷ്ണന്, ബിന്ദു, ദിലീപ്, റോബിന്, താഹ തലനാട് എന്നിവരും എം എല് എ യ്ക്ക് ഒപ്പം ഉണ്ടായിരുന്നു.
0 Comments