പാമ്പാടിയില് വൃദ്ധയുടെ സ്വര്ണ്ണം കബളിപ്പിച്ചു തട്ടിയെടുത്ത കേസില് യുവതിയെ പോലീസ് അറസ്റ്റ് ചെയ്തു. പത്തനംതിട്ട ഇലന്തൂര് പ്രക്കാനനം ഭാഗത്ത് പൗവക്കര കിഴക്കേതില് വീട്ടില് നിര്മല രാജേന്ദ്രന് (48) നെയാണ് പാമ്പാടി പോലീസ് അറസ്റ്റ് ചെയ്തത്. ഇവര് ഹോം നേഴ്സായി ജോലി ചെയ്തിരുന്ന മീനടം ഭാഗത്തെ വീട്ടിലെ പ്രായമായ സ്ത്രീയുടെ കയ്യില് കിടന്നിരുന്ന ഒരു പവന് വീതമുള്ള രണ്ട് സ്വര്ണവളകള് കബളിപ്പിച്ചു തട്ടിയെടുക്കുകയായിരുന്നു. വൃദ്ധയുടെ കൈയില് കിടന്നിരുന്ന വള കഴുകി വൃത്തിയാക്കി തരാമെന്ന വ്യാജേനെ ഊരി വാങ്ങുകയും, തുടര്ന്ന് അതേ തൂക്കത്തിലുള്ള വ്യാജ സ്വര്ണ്ണ വളകള് കയ്യിലിട്ട് നല്കുകയും ചെയ്തു. തുടര്ന്ന് യുവതി വീട്ടില് നിന്നും നാട്ടിലേക്ക് അവധിക്ക് പോവുകയും ചെയ്തു. ഇവര് തിരികെ വരാഞ്ഞതിനെ തുടര്ന്ന് സംശയം തോന്നിയ വീട്ടുകാര് അമ്മയുടെ വളകള് പരിശോധിച്ചപ്പോഴാണ്, ഇത് മുക്കുപണ്ടമാണെന്ന് മനസ്സിലാക്കുന്നത്. തുടര്ന്ന് ഇവര് പോലീസില് പരാതിപ്പെടുകയായിരുന്നു. പരാതിയെ തുടര്ന്ന് പാമ്പാടി പോലീസ് കേസ് രജിസ്റ്റര് ചെയ്യുകയും യുവതിയെ പിടികൂടുകയുമായിരുന്നു. പാമ്പാടി സ്റ്റേഷന് എസ്.എച്ച്.ഒ സുവര്ണ്ണ കുമാര് ഡി, എസ്.ഐ ലെബിമോന് കെ.എസ്, ശ്രീരംഗന്, സി.പി.ഒ മാരായ മഹേഷ്, സിന്ധു മോള് വി.പി, രമ, എന്നിവര് ചേര്ന്നാണ് ഇവരെ അറസ്റ്റ്ചെയ്തത്
.jpg)
0 Comments