കേരള കോണ്ഗ്രസ് ബി പാലാ നിയോജക മണ്ഡലം കമ്മറ്റിയുടെയും, കെ.ടി.യു.സി ബി കോട്ടയം ജില്ലാ കമ്മറ്റിയുടെയും സംയുക്താഭിമുഖ്യത്തില് ആര് ബാലകൃഷ്ണപിള്ള അനുസ്മരണം മേയ് 15 ന് പാലായില് നടക്കും. പാലാ നഗരസഭയിലെ അംഗന്വാടികളിലെ 230 ഓളം കുട്ടികള്ക്ക് സ്കൂള് ബാഗുകള് വിതരണം ചെയ്യും. തിങ്കളാഴ്ച രാവിലെ 10 ന് മുനിസിപ്പല് ടൗണ്ഹാളില് അനുസ്മരണ സമ്മേളനം നഗരസഭാധ്യക്ഷ ജോസിന് ബിനോ ഉദ്ഘാടനം ചെയ്യും. സംസ്ഥാന ജോയന്റ് സെക്രട്ടറി ഔസേപ്പച്ചന് ഓടയ്ക്കല് അധ്യക്ഷനായിരിക്കും. സ്കൂള് ബാഗ് വിതരണോദ്ഘാടനം നഗരസഭാംഗം അഡ്വ. ബിനു പുളിക്കക്കണ്ടം നിര്വ്വഹിക്കും പ്രമുഖ ജില്ലാ നേതാക്കള് അനുസ്മരണയോഗത്തില് പങ്കെടുക്കും. പാലായില് നടന്ന വാര്ത്താ സമ്മേളനത്തില് ഔസേപ്പച്ചന് ഓടയ്ക്കല് കേരള കോണ്ഗ്രസ് ബി നിയോജക മണ്ഡലം പ്രസിഡന്റ് പ്രശാന്ത് നന്ദകുമാര് കെ.ടി.യു.സി ബി ജില്ലാ പ്രസിഡന്റ് മനോജ് മാഞ്ചേരില്, ജിജോ മൂഴയില് തുടങ്ങിയവര് പ്രസംഗിച്ചു.
0 Comments