.webp)
ഏഴാച്ചേരി കാവിന് പുറം ഉമാമഹേശ്വര ക്ഷേത്രത്തില് കഴിഞ്ഞ രണ്ടു മാസമായി ഞായറാഴ്ചകളില് നടന്നു വന്ന രാമായണ വിചാരധാരയ്ക്ക് ഭക്തി നിര്ഭരമായ പരിസമാപ്തി. സമാപന സമ്മേളനം സംസ്ഥാന ബാലസാഹിത്യ ഇന്സ്റ്റിറ്റ്യൂട്ട് ഭരണസമിതി അംഗവും കഥാകാരിയുമായ സിജിതാ അനില് ഉദ്ഘാടനം ചെയ്തു. രാമായണമെന്ന ഇതിഹാസം ലോകമുള്ളിടത്തോളംകാലം മുഴുവന് നിലനില്ക്കുമെന്നും അതിന്റെ പ്രസക്തി വര്ദ്ധിച്ചു വരികയാണെന്നും സിജിത അനില് പറഞ്ഞു. ഗുരുവായൂര് ദേവസ്വം ബോര്ഡ് ഭരണസമിതിയംഗം മനോജ് ബി. നായര് അനുഗ്രഹപ്രഭാഷണം നടത്തി. രാമായണം മനുഷ്യനന്മയുടെ സന്ദേശമാണ് നേര്മുമ്പില് വ്യക്തമാക്കുന്നതെന്ന് അദ്ദേഹം പറഞ്ഞു. പുരാണങ്ങളും ഇതിഹാസവും തമ്മില് ഏറ്റുമുട്ടുന്നതിന് പകരം പരസ്പരം പൂരകമായി പ്രവര്ത്തിക്കുന്ന കഥാസന്ദര്ഭങ്ങളാണ് രാമായണത്തിലുള്ളതെന്ന് സമ്മേളനത്തില് മുഖ്യപ്രഭാഷണം നടത്തിയ ഡോ. എന്.കെ. മഹാദേവന് പറഞ്ഞു. കാവിന്പുറം ദേവസ്വം പ്രസിഡന്റ് റ്റി.എന്. സുകുമാരന് നായരുടെ അദ്ധ്യക്ഷതയില് ചേര്ന്ന സമ്മേളനത്തില് പി.എസ്. ശശിധരന്, സുരേഷ് ലക്ഷ്മിനിവാസ്, തങ്കപ്പന് നായര് കൊടുങ്കയം, ത്രിവിക്രമന് തെങ്ങുംപളളില്, റ്റി.എസ്. ശിവദാസ്, ആര്. സുനില്കുമാര്, ചിത്രാ വിനോദ്, ഉമാ വിക്രമന്, രശ്മി അനില് എന്നിവര് പ്രസംഗിച്ചു
.webp)
.webp&description=രാമായണ വിചാരധാരയ്ക്ക് ഭക്തി നിര്ഭരമായ പരിസമാപ്തി){kind=link}
0 Comments