തദ്ദേശസ്വയംഭരണ സ്ഥാപനങ്ങള്‍ വയോജനങ്ങളുടെ സംരക്ഷണത്തിനു മുന്‍തൂക്കം നല്‍കുന്ന പദ്ധതികള്‍ ഏറ്റെടുക്കണമെന്ന് ജില്ലാ പഞ്ചായത്ത് പ്രസിഡന്റ് കെ.വി. ബിന്ദു. ജില്ലാ സാമൂഹികനീതി ഓഫീസിന്റെയും സാമൂഹികസുരക്ഷാ മിഷന്റെയും കോട്ടയം-പാലാ മെയിന്റനന്‍സ് ട്രൈബ്യൂണലിന്റെയും ആഭിമുഖ്യത്തില്‍ സംഘടിപ്പിച്ച ദേശീയ വയോജനദിനാചരണം ഉദ്ഘാടനം ചെയ്ത് പ്രസംഗിക്കുകയായിരുന്നു അവര്‍. വയോജനങ്ങള്‍ കൂടുതലുള്ള സംസ്ഥാനങ്ങളില്‍ ഒന്നാണ് കേരളം. മാറുന്ന സാമൂഹിക സാഹചര്യങ്ങളില്‍ വയോജനങ്ങളുടെ പ്രശ്‌നങ്ങള്‍ പരിഹരിക്കുന്നതിനു തദ്ദേശസ്ഥാപനങ്ങള്‍, വയോജന ക്ലബുകള്‍, സമുദായിക, രാഷ്ട്രീയ, സാംസ്‌കാരിക പ്രവര്‍ത്തകര്‍ ഒന്നിച്ചു പ്രവര്‍ത്തിക്കണം. വയോജനങ്ങള്‍ക്ക് വേണ്ടിയുള്ള വിവിധ സര്‍ക്കാര്‍ പദ്ധതികള്‍ യഥാര്‍ത്ഥ ഗുണഭോക്താകളില്‍ എത്തുന്നുണ്ടെന്ന് ഉറപ്പുവരുത്തണമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. പാലാ ചെത്തിമറ്റം ദൈവദാന്‍ സെന്ററില്‍ സംഘടിപ്പിച്ച പരിപാടിയില്‍ പാലാ നഗരസഭാധ്യക്ഷ ജോസിന്‍ ബിനോ അധ്യക്ഷത വഹിച്ചു. 2022ലെ കേരള സംഗീത - നാടക അക്കാദമി ഗുരുപൂജ പുരസ്‌കാര ജേതാവും പ്രശസ്ത നാടക പ്രവര്‍ത്തകനുമായ പൊന്‍കുന്നം സെയ്ദ്, 2021ലെ കേരള സംഗീത - നാടക അക്കാദമി ഗുരുപൂജ പുരസ്‌കാര ജേതാവും ചിത്രകല അധ്യാപകനും ചമയകലാകാരനുമായ വി.എ. സുകുമാരന്‍ നായര്‍ ( ഇടമറ്റം സുകു) എന്നിവരെയും വിവിധ ക്ഷേമ സ്ഥാപനങ്ങളിലെ മുതിര്‍ന്ന പൗരന്മാരെയും ചടങ്ങില്‍ ആദരിച്ചു. പാലാ നഗരസഭ ക്ഷേമകാര്യ സ്ഥിരം സമിതി അധ്യക്ഷ ബിന്ദു മനു, സംസ്ഥാന വയോജന കൗണ്‍സില്‍ അംഗവും എസ്.സി.എഫ്.ഡബ്ലിയു.എ ജില്ലാ സെക്രട്ടറിയുമായ തോമസ് പോത്തന്‍, പാലാ സ്‌നേഹഗിരി മിഷനറി സിസ്റ്റേഴ്‌സ് പ്രൊവിന്‍ഷ്യല്‍ സുപ്പീരിയര്‍ റവ. ഡോ. കാര്‍മല്‍ ജിയോ എസ്.എം.എസ്, ജില്ലാ സാമൂഹ്യനീതി ഓഫീസര്‍ വി.എ. ഷംനാദ്, സാമൂഹ്യ സുരക്ഷാമിഷന്‍ ജില്ലാ കോ- ഓര്‍ഡിനേറ്റര്‍ ജോജി ജോസഫ്, സാമൂഹികനീതി ഓഫീസ് സീനിയര്‍ സൂപ്രണ്ട് പി.എന്‍. പ്രമോദ് കുമാര്‍, ഓര്‍ഫനേജ് കൗണ്‍സിലര്‍ പി.എം. ജോസഫ്, കോട്ടയം മെയിന്റനന്‍സ് ട്രൈബ്യൂണല്‍ ടെക്‌നിക്കല്‍ അസിസ്റ്റന്റ്മാരായ പി.എച്ച്. ചിത്ര, സ്റ്റെഫി മരിയ ജോസ് എന്നിവര്‍ പങ്കെടുത്തു. പരിപാടിയോടനുബന്ധിച്ച് വിവിധ കലാപരിപാടികള്‍ സംഘടിപ്പിച്ചു.
.webp)
.webp)
.webp)
0 Comments