കേരളാ ഗവ. ഹോമിയോ ഫാര്‍മസിസ്റ്റ് ഓര്‍ഗനൈസേഷന്‍ അഞ്ചാമത് സംസ്ഥാന സമ്മേളനം

കേരളാ ഗവ. ഹോമിയോ ഫാര്‍മസിസ്റ്റ് ഓര്‍ഗനൈസേഷന്‍ അഞ്ചാമത് സംസ്ഥാന സമ്മേളനം നവംബര്‍ 10, 11, തീയതികളില്‍ ഏറ്റുമാനൂരില്‍ നടക്കുമെന്ന് ഭാരവാഹികള്‍ വാര്‍ത്താ  സമ്മേളനത്തില്‍ പറഞ്ഞു. തെളളകം ചൈതന്യാ പാസ്റ്ററല്‍ സെന്ററില്‍ വെള്ളിയാഴ്ച രാവിലെ 10.15 - ന് സംസ്ഥാന സമിതി യോഗവും , 12-ന് പ്രതിനിധി സമ്മേളനവും നടക്കും.  പ്രതിനിധി സമ്മേളനം സംസ്ഥാന ജനറല്‍ സെക്രട്ടറി നജീബ് ഇബ്രാഹിം ഉദ്ഘാടനം ചെയ്യും. 5.30 -ന് സംസ്ഥാന ഭാരവാഹി തിരഞ്ഞെടുപ്പ് നടത്തും. ശനിയാഴ്ച ഏറ്റുമാനൂര്‍ വ്യാപാരഭവന്‍ ഹാളില്‍ രാവിലെ 9.30 -ന് ആയൂഷ് ഫാര്‍മസി കൗണ്‍സില്‍ സാധ്യതകളും പ്രയോജനങ്ങളും സെമിനാറും നടക്കും. 11.30 -ന് നടക്കുന്ന പൊതുസമ്മേളനം മന്ത്രി വി.എന്‍. വാസവന്‍ ഉദ്ഘാടനം ചെയ്യും. സംസ്ഥാന പ്രസിഡന്റ് എം.സി. ബോബി അധ്യക്ഷത വഹിക്കും. സി.കെ. ആശ എം.എല്‍.എ. മുഖ്യാതിഥിയായിരിയ്ക്കും . ഹോമിയോപ്പതി വകുപ്പ് ഡയറക്ടര്‍ ഡോ.എം.എന്‍. വിജയാംബിക ഉപഹാര സമര്‍പ്പണം നടത്തും. 2-ന് വനിതാ സമ്മേളനം ഡോ.എം.പി. ബീന ഉദ്ഘാടനം ചെയ്യും. ഏറ്റുമാനൂര്‍ പ്രസ് ക്ലബ്ബില്‍ നടന്ന വാര്‍ത്താ സമ്മേളനത്തില്‍ സംസ്ഥാന പ്രസിഡന്റ് എം.സി. ബോബി, ജനറല്‍ സെക്രട്ടറി നജീബ് ഇബ്രാഹിം, സ്വാഗതസംഘം ചെയര്‍ പേഴ്‌സണ്‍ ഡി. ദിവ്യാമോള്‍ , കണ്‍വീനര്‍ കെ.കെ.രാജേഷ്, കെ.രാകേഷ്‌കുമാര്‍ എന്നിവര്‍ പങ്കെടുത്തു.