ആറന്മുള സത്യവ്രതന് അനുസ്മരണവും ആറന്മുള സത്യവ്രതന് സ്മാരക ട്രസ്റ്റ് ഏര്പ്പെടുത്തിയ ആറാമത് സാഹിത്യ പുരസ്കാര വിതരണവും ഏറ്റുമാനൂരില് നടന്നു. പ്രശസ്ത സാഹിത്യകാരനും അദ്ധ്യാപക പ്രമുഖനുമായിരുന്ന ആറന്മുള സത്യവ്രതന്റെ സ്മരണ നിലനിര്ത്തുന്നതിന് വേണ്ടി ആറന്മുള സത്യവ്രതന് സ്മാരക ട്രസ്റ്റ്,ഏറ്റുമാനൂര് എസ്എംഎസ് പബ്ലിക് ലൈബ്രറിയുടെ സഹകരണത്തോടെയാണ് സാഹിത്യ പുരസ്കാര ചടങ്ങ് സംഘടിപ്പിച്ചത്. ലൈബ്രറി ഹാളില് സംഘടിപ്പിച്ച അനുസ്മരണ സമ്മേളനം റസിഡന്റ്സ് അസോസിയേഷന് സംസ്ഥാന പ്രസിഡണ്ട് കെ.എം. രാധാകൃഷ്ണപിള്ള ഉദ്ഘാടനം ചെയ്തു. യോഗത്തില് ലൈബ്രറി പ്രസിഡണ്ട് ജി.പ്രകാശ് അധ്യക്ഷത വഹിച്ചു. നോവലിസ്റ്റ് സന്ധ്യ ജയേഷ്, കവി സത്യന് മണിയൂര് എന്നിവരാണ് ഈ വര്ഷത്തെ ആറന്മുള സത്യവ്രതന് സ്മാരക പുരസ്കാരം നേടിയത്. സാഹിത്യ പുരസ്കാര വിതരണം സിനിമാതാരം പ്രേം പ്രകാശ് നിര്വഹിച്ചു. തപസ്യ ജില്ലാ വൈസ് പ്രസിഡണ്ട് വിജി ജയദേവ് ആറന്മുള സത്യവ്രതന് അനുസ്മരണം നടത്തി. സാഹിത്യകാരന് ടി. ജി. വിജയകുമാര്, കാവ്യവേദി ചെയര്മാന് പി പി നാരായണന്, ഓണം തുരുത്ത് പബ്ലിക് ലൈബ്രറി പ്രസിഡന്റ് ബിജി ഗോപകുമാര് തുടങ്ങിയവര് പ്രസംഗിച്ചു.
0 Comments