ഗൃഹനാഥനെ കബളിപ്പിച്ച് ലക്ഷങ്ങള് തട്ടിയെടുത്ത കേസില് ഇതര സംസ്ഥാനക്കാരായ രണ്ടുപേരെ പോലീസ് അറസ്റ്റ് ചെയ്തു. ഹരിയാന സ്വദേശിയായ ഹരിദാസ് (38), മഹാരാഷ്ട്ര സ്വദേശിയായ ദിപിന് രാംദാസ് ശിര്ക്കാര് (39) എന്നിവരെയാണ് ഏറ്റുമാനൂര് പോലീസ് അറസ്റ്റ് ചെയ്തത്. ഇവരും സുഹൃത്തുക്കളും ചേര്ന്ന് പേരൂര് തെള്ളകം സ്വദേശിയായ ഗൃഹനാഥനെ എലൈറ്റ് ക്യാപ്പിറ്റല് എഫ്.എക്സ് (Elite Capital FX ) എന്ന കമ്പനിയില് പണം നിക്ഷേപിച്ചാല് നിക്ഷേപിക്കുന്ന തുകയ്ക്ക് ഒരു ശതമാനം ലാഭം കിട്ടുമെന്ന് പറഞ്ഞ് ഇയാളുടെ വാട്സാപ്പിലൂടെ ബന്ധപ്പെട്ട് 1151200 രൂപയോളം (പതിനൊന്നു ലക്ഷത്തി അന്പത്തി ഒന്നായിരത്തി ഇരുന്നൂര്) കബളിപ്പിച്ച് തട്ടിയെടുക്കുകയായിരുന്നു. തുടര്ന്ന് പണം നഷ്ടപ്പെട്ട ഗൃഹനാഥന് പോലീസില് പരാതി നല്കുകയായിരുന്നു.
പരാതിയെ തുടര്ന്ന് ഏറ്റുമാനൂര് പോലീസ് കേസ് രജിസ്റ്റര് ചെയ്യുകയും, ജില്ലാ പോലീസ് മേധാവി കെ.കാര്ത്തിക നേതൃത്വത്തിലുള്ള അന്വേഷണസംഘം നടത്തിയ ശാസ്ത്രീയമായ പരിശോധനയിലൂടെ ഗൃഹനാഥന്റെ പണം ഇവരുടെ അക്കൗണ്ടിലേക്കും ചെന്നായി കണ്ടെത്തുകയും ഇവരെ ഹരിയാനയില് നിന്നും പിടികൂടുകയുമായിരുന്നു. ഏറ്റുമാനൂര് സ്റ്റേഷന് എസ്.എച്ച്.ഓ ഷോജോ വര്ഗീസ്, എസ്.ഐ സൈജു ,എ. എസ്.ഐ വിനോദ് , സി.പി.ഓ മാരായ അനീഷ് വി.കെ, അജി എം. എസ് ,ജോസഫ് തോമസ് എന്നിവരും അന്വേഷണ സംഘത്തില് ഉണ്ടായിരുന്നു. ഇവരെ കോടതിയില് ഹാജരാക്കി. മറ്റ് പ്രതികള്ക്കായി തിരച്ചില് ശക്തമാക്കി.
0 Comments