മഹാത്മാഗാന്ധി സര്വകലാശാലയിലെ ജീവനക്കാര്ക്കും പെന്ഷന്കാര്ക്കും ശമ്പളവും പെന്ഷനും മുടങ്ങിയതില് മഹാത്മാഗാന്ധി യൂണിവേഴ്സിറ്റി പെന്ഷണേഴ്സ് യൂണിയന് പ്രതിഷേധിച്ചു. അസോസിയേഷന്റെ നേതൃത്വത്തില് സര്വകലാശാല കാമ്പസ്സില് ചൊവ്വാഴ്ച രാവിലെ 10.30- മുതല് പ്രതിഷേധ ധര്ണ നടത്തുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. തിരുവഞ്ചൂര് രാധാകൃഷണന് എം. എല്. എ. പ്രതിഷേധ ധര്ണ്ണ ഉദ്ഘാടനം ചെയ്യും. വിവിധ ട്രേഡ് യൂണിയന്, പെന്ഷന് സംഘടനാ നേതാക്കള് പ്രസംഗിക്കും. 2021- ജനുവരി മുതല് ലഭിക്കേണ്ട 21 ശതമാനം ക്ഷാമാശ്വാസത്തില് രണ്ട് ശതമാനം മാത്രമാണ് ലഭിച്ചത്. പെന്ഷന് പരിഷ്കരണ കുടിശിക അഞ്ച് വര്ഷമായിട്ടും നല്കിയിട്ടില്ല. ഇക്കാര്യങ്ങള് ചൂണ്ടിക്കാട്ടി പെന്ഷണേഴ്സ് യൂണിയന് സമരത്തിലേക്ക് നീങ്ങുകയാണന്നും ഭാരവാഹികള് പറഞ്ഞു. പ്രസിഡന്റ് ഇ. ആര്. അര്ജുനന് , ജനറല് സെക്രട്ടറി ജി.പ്രകാശ് എന്നിവര് വാര്ത്താ സമ്മേളനത്തില് പങ്കെടുത്തു.
0 Comments