.webp)
മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ക്ക് ഏറ്റുമാനൂര്‍ നഗരസഭയില്‍ തുടക്കമായി. നഗരസഭാ തലത്തിലുള്ള ശുചീകരണ പ്രവര്‍ത്തനങ്ങളുടെ ഉദ്ഘാടനം ചെയര്‍പേഴ്‌സണ്‍ ലൗലി ജോര്‍ജ് നിര്‍വഹിച്ചു. നഗരസഭയിലെ മുഴുവന്‍ വാര്‍ഡുകളിലും വരും ദിവസങ്ങളില്‍ ശുചീകരണ യജ്ഞം നടക്കും. സംസ്ഥാന വ്യാപകമായി എല്ലാ തദ്ദേശസ്ഥാപനങ്ങള്‍ കേന്ദ്രീകരിച്ചും ജനപങ്കാളിത്തത്തോടെ മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ നടത്തുന്നതിന്റെ ഭാഗമായാണ് ഓഫീസ് മന്ദിരത്തിന് മുന്നില്‍ ബസ് സ്റ്റേഷന്‍, മാര്‍ക്കറ്റ് എന്നിവ കേന്ദ്രീകരിച്ച് ശുചീകരണ പ്രവര്‍ത്തനങ്ങള്‍ നടത്തിയത്.
നഗരസഭ ജീവനക്കാര്‍, കുടുംബശ്രീ പ്രവര്‍ത്തകര്‍, ഹരിത കര്‍മ്മ സേന, പൊതുജനങ്ങള്‍ തുടങ്ങിയവര്‍ ശുചീകരണ പ്രവര്‍ത്തനത്തില്‍ പങ്കുചേര്‍ന്നു. മുന്‍സിപ്പല്‍ കൗണ്‍സിലര്‍മാരായ ഇഎസ് ബിജു, ബിബീഷ് പി എസ് വിനോദ്, സുരേഷ് വടക്കേടം, വിജി ചാവറ, ഹെല്‍ത്ത് ഇന്‍സ്‌പെക്ടര്‍ അജിത് കുമാര്‍ തുടങ്ങിയവര്‍ നേതൃത്വം നല്‍കി. നഗരസഭയുടെ പരിസര പ്രദേശങ്ങളും ഓടകളും നവീകരിക്കുവാന്‍ ശുചീകരണ തൊഴിലാളികളും ഒപ്പം ചേര്‍ന്നു.
.webp&description=ഏറ്റുമാനൂര്‍ നഗരസഭയില്‍ മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍){kind=link}
0 Comments