രാമപുരം മാര് ആഗസ്തിനോസ് കോളേജിന്റെ ആഭിമുഖ്യത്തില് കാസില്ദ - മെഗാ ഷോ മെയ് 17 വെള്ളിയാഴ്ച വൈകിട്ട് 6 ന് പാലാ മുനിസിപ്പല് ടൗണ് ഹാളില് നടക്കും. ഉന്നത വിദ്യാഭ്യാസ രംഗത്ത് നാക് എ ഗ്രേഡ് കരസ്ഥമാക്കി മുന്നേറുന്ന രാമപുരം മാര് ആഗസ്തിനൊസ് കോളേജിന്റെ സാമൂഹ്യ ക്ഷേമ പദ്ധതികളുടെ ധന ശേഖരണാര്ത്ഥമാണ് മെഗാ ഷോ സംഘടിപ്പിക്കുന്നത്. രാമപുരം മാര് ആഗസ്തിനോസ് കോളേജ് മ്യൂസിക്കല് ക്ലബ്ബിന്റെ നേതൃത്വത്തില് പാലാ കമ്മ്യൂണിക്കേഷനുമായി സഹകരിച്ചാണ് നൃത്ത സംഗീത നാടകാവിഷ്കാരമായ കാസില്ദ സംഘടിപ്പിക്കുന്നത്. കോളേജ് വിദ്യാര്ഥികള് ഒന്നര മണിക്കൂര് ദൈര്ഘ്യമുള്ള ഗാനമേളയും നൃത്ത ശില്പ്പവും അവതരിപ്പിക്കും. പാലാ കമ്മ്യൂണിക്കേഷന്സിന്റെ വിഖ്യാത നാടകം ജീവിതം സാക്ഷിയുടെ അവതരണവും നടക്കും. അറുപതോളം കലാകാരന്മാര് മെഗാഷോയില് അണിനിരക്കും. മധ്യകേരളത്തില് കോളേജ് വിദ്യാര്ഥികളുടെ നേതൃത്വത്തില് പൊതു വേദി നടത്തപ്പെടുന്ന ആദ്യ പരിപാടിയാണിത്.
0 Comments