പാലാ കാര്മ്മല് മെഡിക്കല് സെന്ററില് കര്മ്മല മാതാവിന്റെ തിരുന്നാളും ഹോസ്പിറ്റല് ഡേയും സംയുക്തമായി ആഘോഷിച്ചു. സെന്റ് വിന്സെന്റ് മോണാസ്ട്രി പ്രിയോര് ഫാദര് ജയിംസ് നരിതൂക്കില് ദിവ്യബലി അര്പ്പിച്ചു. കാര്മ്മല് കുടുംബാംഗങ്ങളും വൈദികരും, സിസ്റ്റേഴ്സും ഉള്പ്പെടെ നിരവധി ആളുകള് പങ്കെടുത്തു. തുടര്ന്ന് ഹോസ്പിറ്റല് ഡേ ആഘോഷങ്ങള് നടന്നു. പൗരോഹിത്യത്തിന്റെ 60-ാം വാര്ഷികം ആഘോഷിക്കുന്ന ആശുപത്രി ചാപ്ലിന് ഫാദര് അലക്സാണ്ടര് ഓലിക്കലിനെ ആദരിച്ചു. ഫാദര് അലക്സാണ്ടര് ഓലിക്കല്.അനുഗ്രഹ പ്രഭാഷണം നടത്തി. ആശുപത്രി അഡ്മിനിസ്ട്രേറ്റര് സിസ്റ്റര് സെല്വിന്, പ്രൊവിന്ഷ്യാള് സിസ്റ്റര് സിജി തെരേസ് ,പാലാ നഗരസഭ വിദ്യാഭ്യാസ സ്റ്റാന്റിംഗ് കമ്മിററി ചെയര്മാന് ബൈജു കൊല്ലംപറമ്പില്, ചീഫ് ഫിസിഷ്യന് ഡോക്ടര് വിജയകുമാര്, മെഡിക്കല് ഓഫീസര് ഡോക്ടര് ബെറ്റി ജോസ്, ഫിസിഷ്യന് തോമസ് പൊരുന്നോലി, സിസ്റ്റര് മേരി ആന്റോ ,തുടങ്ങിയവര് പ്രസംഗിച്ചു. ഡാന്സും, പാട്ടും, സ്കിറ്റും, കോമഡി ഷോയുമായി ഡോക്ടര്മാരും നഴ്സുമാരും സിസ്റ്റേഴ്സും സ്റ്റാഫംഗങ്ങളുമടങ്ങുന്ന കാര്മ്മല് മെഡിക്കല് സെന്റര് കുടുംബം ആഘോഷത്തെ വര്ണാഭമാക്കി.
0 Comments