കേരളത്തില് അതിശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ്. ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെട്ടതായും കാലാവസ്ഥാവകുപ്പ് അറിയിച്ചു. വടക്കന് ബംഗാള് ഉള്ക്കടലില് മധ്യഭാഗത്തായി രൂപപ്പെട്ട ന്യൂനമര്ദ്ദം അടുത്ത രണ്ടു ദിവസത്തിനുള്ളില് ന്യൂനമര്ദ്ദം ശക്തിപ്രാപിച്ച് വടക്കു -പടിഞ്ഞാറ് ദിശയില് സഞ്ചരിച്ചു ഒഡിഷ തീരത്തു എത്താന് സാധ്യത. വടക്കു കിഴക്കന് അറബിക്കടലില് ഒരു ചക്രവാതച്ചുഴിയും സ്ഥിതി ചെയുന്നുണ്ട്. വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യൂനമര്ദ്ദ പാത്തിയും സ്ഥിതിചെയ്യുന്നു. അതോടൊപ്പം കേരള തീരത്ത് പടിഞ്ഞാറന്/ വടക്കു പടിഞ്ഞാറന് കാറ്റ് ശക്തമായി തുടരുന്നു. ഇതിന്റെ ഫലമായി കേരളത്തില് അടുത്ത 5 ദിവസം വ്യാപകമായി കാറ്റോടു കൂടിയ ശക്തമായ മഴ പെയ്യാന് സാധ്യതയെന്ന് കാലാവസ്ഥാവകുപ്പ് അറിയിച്ചു. ഒറ്റപ്പെട്ട സ്ഥലങ്ങളില് ജൂലായ 18 നും 19നും അതിശക്തമായ മഴയ്ക്കും അടുത്ത 4 ദിവസം ശക്തമായ മഴയ്ക്കും സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.
0 Comments