ദേശീയതലത്തില്‍ നടത്തിയ ശുചിത്വ സര്‍വ്വേയില്‍ ഏറ്റുമാനൂര്‍, ഈരാറ്റുപേട്ട മുനിസിപ്പാലിറ്റികള്‍ക്ക് സിംഗിള്‍ സ്റ്റാര്‍ പദവി ലഭിച്ചു. ദേശീയതലത്തില്‍ നഗരസഭകള്‍ക്കുള്ള ശുചിത്വ സര്‍വേയില്‍ ജില്ലയില്‍ നിന്ന് ആദ്യമായാണ് 2 നഗരസഭകള്‍ സിംഗിള്‍ സ്റ്റാര്‍ പദവി നേടുന്നത്. തുറസായ മലമൂത്ര വിസര്‍ജ്ജന രഹിത പ്രദേശങ്ങളാക്കി നിലനിര്‍ത്തിയതിലൂടെ ജില്ലയിലെ പാലാ, ചങ്ങനാശേരി, വൈക്കം നഗരസഭകള്‍ക്ക് ഒ.ഡി.എഫ്. പ്ലസ് പദവിയും ലഭിച്ചു.
ശുചിത്വ മിഷനും നഗരസഭകളും സംയുക്തമായി പ്രവര്‍ത്തിച്ചതില്‍ ഹരിത കര്‍മ്മസേന, ശുചീകരണ തൊഴിലാളികള്‍ എന്നിവരുടെ സജീവമായ പ്രവര്‍ത്തനവും ചങ്ങനാശ്ശേരി നഗരസഭയിലും കുമരകത്തുമുള്ള മൊബൈല്‍ സെപ്‌റ്റേജ് ട്രീറ്റ്‌മെന്റ് യൂണിറ്റിന്റെ പ്രവര്‍ത്തനവും റാങ്കിംഗ്. മുന്‍ വര്‍ഷത്തേക്കാള്‍ മെച്ചപ്പെടാന്‍ കാരണമായി. ഉറവിട മാലിന്യ സംസ്‌കരണ സംവിധാനങ്ങള്‍, എം.സി.എഫ്.,മിനി എം.സി.എഫുകള്‍, ബോട്ടില്‍ ബൂത്തുകള്‍, പൊതു ശൗചാലയങ്ങള്‍, ഹരിത ടൗണ്‍, ഹരിത സ്ഥാപനങ്ങള്‍, ഇ-മാലിന്യ ശേഖരണം എന്നിവയും റാങ്കിംഗ് ഉയര്‍ത്തി. കഴിഞ്ഞ വര്‍ഷം 3714-ാം സ്ഥാനത്തായിരുന്ന ഏറ്റുമാനൂര്‍ ഈ വര്‍ഷം 219-ാം സ്ഥാനം നേടിയപ്പോള്‍ 4056-ാം സ്ഥാനത്തായിരുന്ന ഈരാറ്റുപേട്ട 562-ാം സ്ഥാനമാണ് ഈ വര്‍ഷം നേടിയത്. പ്രവര്‍ത്തന മികവും ജനസംഖ്യയും പരിഗണിച്ചാണ് റാങ്കിംഗ് നിശ്ചയിച്ചത്. ഹരിത കര്‍മ്മസേനയുടെയും ശുചികരണ തൊഴിലാളികളുടെയും പ്രവര്‍ത്തനങ്ങള്‍ മാലിന്യ സംസ്‌കരണ സംവിധാനങ്ങള്‍ പൊതുശുചിമുറികള്‍ MCF കള്‍ എന്നിവ പരിശോധിച്ചാണ് ശുചിത്വ സര്‍വേ റിപ്പോര്‍ട്ട് തയ്യറാക്കിയത്.
0 Comments