റോഡിന്റെ തിട്ടയിടിഞ്ഞ് ഹിറ്റാച്ചി വീട്ടുമുറ്റത്തേക്ക് മറിഞ്ഞു.

        റോഡിന്റെ തിട്ടയിടിഞ്ഞ് ലോറിയില്‍ കൊണ്ടുപോകുകയായിരുന്ന ഹിറ്റാച്ചി വീട്ടുമുറ്റത്തേക്ക് മറിഞ്ഞു. തിങ്കളാഴ്ച ഉച്ചയ്ക്ക് കടനാട് - ഐങ്കൊമ്പ് റോഡിനോട് ചേര്‍ന്ന് ചിറ്റേട്ട് സെബാസ്റ്റ്യന്‍ ഫ്രാന്‍സീസിന്റെ വീടിനോട് ചേര്‍ന്ന് മുറ്റത്തേയ്ക്കാണ് ഹിറ്റാച്ചി വീണത്. വീട്ടുകാര്‍ അപകടത്തില്‍പ്പെടാതെ അത്ഭുതകരമായി രക്ഷപെട്ടു. ലോറി ചരിഞ്ഞെങ്കിലും മറിയാതെ നിന്നു. അപകടത്തില്‍ രണ്ട് ഇലക്ട്രിക്ക് പോസ്റ്റുകള്‍ തകര്‍ന്നു. വീടിന്റെ അഞ്ച് അടി മാത്രം അകലെയാണ് ഹിറ്റാച്ചി വീണത്. ഹിറ്റാച്ചി വീടിനു മുകളില്‍ പതിക്കാതിരുന്നതു മൂലം വന്‍ അപകടം വഴിമാറുകയായിരുന്നു.