മാര്‍ സ്ലീവാ മെഡിസിറ്റിയില്‍ ഡോക്ടേഴ്‌സ് ദിനാചരണം നടത്തി. ആശുപത്രിയില്‍ ആരംഭിക്കുന്ന പുതുവെളിച്ചം നേത്രദാന കേന്ദ്രത്തിന്റെ ഉദ്ഘാടനവും ഡോക്ടേഴ്‌സ് ഡേയില്‍ നടന്നു. കോട്ടയം ഗവ.മെഡിക്കല്‍ കോളജ് പ്രിന്‍സിപ്പല്‍ ഡോ.വര്‍ഗീസ് പി.പുന്നൂസ് ഡോക്ടേഴ്‌സ് ദിനാഘോഷ പരിപാടികള്‍ ഉദ്ഘാടനം ചെയ്തു. ആരോഗ്യ രംഗത്ത് ഉത്തമമായ മൂല്യങ്ങള്‍ കാത്തു സൂക്ഷിച്ചു പ്രവര്‍ത്തനം നടത്തുന്ന മാര്‍ സ്ലീവാ മെഡിസിറ്റിയുടെ പ്രവര്‍ത്തനം മാതൃകപരമാണെന്ന് അദ്ദേഹം പറഞ്ഞു.
ഡോക്ടര്‍മാരും മാനസികാരോഗ്യവും സന്തോഷവും കാത്തുസൂക്ഷിക്കണമെന്നും അദ്ദേഹം പറഞ്ഞു. മാര്‍ സ്ലീവാ മെഡിസിറ്റിയില്‍ ആരംഭിക്കുന്ന നേത്രദാന കേന്ദ്രം പുതുവെളിച്ചത്തിന്റെ ലോഞ്ചിംഗും ഡോ വര്‍ഗീസ് പി പുന്നൂസ് നിര്‍വഹിച്ചു. പാലാ രൂപത ബിഷപ് മാര്‍ ജോസഫ് കല്ലറങ്ങാട്ട് അധ്യക്ഷത വഹിച്ചു. രോഗത്തിന്റെ വിഷമവുമായി വരുന്നവരെ ഉള്‍കണ്ണുകള്‍ കൊണ്ട് കാണുന്നവരാണ് ഡോക്ടര്‍മാര്‍ എന്ന് ബിഷപ് പറഞ്ഞു. ദൈവവിളിയാണ് ഡോക്ടര്‍മാരുടെ ശുശ്രൂഷയെന്നും ബിഷപ് പറഞ്ഞു.
ദി മാര്‍ സ്ലീവന്‍സ് എന്ന ഇ മാഗസിന്റെ പ്രകാശനവും ബിഷപ് മാര്‍ ജോസഫ് കല്ലറങ്ങാട്ട് നിര്‍വ്വഹിച്ചു. മുതിര്‍ന്ന ഡോക്ടര്‍മാരായ ഓര്‍ത്തോപീഡിക്‌സ് വിഭാഗം മേധാവിയും സീനിയര്‍ കണ്‍സള്‍ട്ടന്റുമായ പ്രഫ.ഡോ.മാത്യു എബ്രഹാം, ചൈല്‍ഡ് ഡവലപ്‌മെന്റ് സെന്റര്‍ സീനിയര്‍ കണ്‍സള്‍ട്ടന്റ് ഡോ.തോമസ് ഏബ്രഹാം,സൈക്യാട്രി വിഭാഗം സീനിയര്‍ കണ്‍സള്‍ട്ടന്റ് ഡോ.റോയി എബ്രഹാം കള്ളിവയലില്‍, ലബോറട്ടറി വിഭാഗം സീനിയര്‍ കണ്‍സള്‍ട്ടന്റ് ഡോ.റോസമ്മ തോമസ്,ജനറല്‍ മെഡിസിന്‍ വിഭാഗം സീനിയര്‍ കണ്‍സള്‍ട്ടന്റ് ഡോ.ജോയി മാണി തെക്കേടത്ത് എന്നിവരെ ചടങ്ങില്‍ പൊന്നാടയണിയിച്ച് ആദരിച്ചു. ആശുപത്രി മാനേജിംഗ് ഡയറക്ടര്‍ മോണ്‍.ഡോ.ജോസഫ് കണിയോടിക്കല്‍,ചീഫ് ഓഫ് മെഡിക്കല്‍ സര്‍വ്വീസസ് എയര്‍ കോമഡോര്‍ ഡോ.പോളിന്‍ ബാബു, മെഡിക്കല്‍ സൂപ്രണ്ട് ഡോ.നിതീഷ് പി.എന്‍.എന്നിവര്‍ പ്രസംഗിച്ചു. മധുര വിതരണം, ഡോക്ടര്‍മാരുടെ കലാപരിപാടികള്‍ എന്നിവയും നടന്നു.
0 Comments