കാര്‍ നിയന്ത്രണം വിട്ട് കെട്ടിടത്തിലേക്ക് ഇടിച്ച് കയറി ഒരാള്‍ മരിച്ചു

കാഞ്ഞിരപ്പള്ളി കുന്നുംഭാഗത്ത് കാര്‍ നിയന്ത്രണം വിട്ട്  കെട്ടിടത്തിലേക്ക് ഇടിച്ച് കയറി ഒരാള്‍ മരിച്ചു. കുന്നുംഭാഗം ജനറല്‍ ആശുപത്രി പടിയ്ക്ക് സമീപം ദേശീയ പാതയിലാണ് കാര്‍ നിയന്ത്രണം വിട്ട് കെട്ടിടത്തിലേക്ക്  ഇടിച്ച് കയറിയത്. തമ്പലക്കാട് സ്വദേശി കീച്ചേരില്‍ അഭിജിത്ത് ആണ് മരിച്ചത്. വെള്ളിയാഴ്ച. രാത്രി 11.15 ഓടെയാണ് അപകടം നടന്നത്. അഭിജിത്തിനെ കൂടാതെ വാഹനത്തിലുണ്ടായിരുന്ന അഭിജിത്തിന്റെ സഹോദരി ആതിര, ദീപു ഗോപാലകൃഷ്ണന്‍, എന്നിവര്‍ക്ക് അപകടത്തില്‍ ഗുരുതര പരിക്ക്.ദീപുവിനെ കോട്ടയം മെഡിക്കല്‍ കോളജ് ആശുപത്രിയിലേക്കും ആതിരയെ പാലായിലെ സ്വകാര്യ ആശുപത്രിയിലേക്കും മാറ്റി.ആതിരയുടെ വിവാഹം കഴിഞ്ഞ ദിവസമായിരുന്നു.