കിടങ്ങൂര്‍ ചെക്ക് ഡാം മിനി പാര്‍ക്കിന്റെ രണ്ടാം ഘട്ട നിര്‍മ്മാണത്തിന് തുടക്കമായി. ജില്ലാ പഞ്ചായത്തിന്റെ പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍ അനുവദിച്ച 5 ലക്ഷം രൂപ ഉപയോഗിച്ചാണ് മിനിപാര്‍ക്കിന്റെ രണ്ടാം ഘട്ട നിര്‍മ്മാണ പ്രവര്‍ത്തനങ്ങള്‍ നടത്തുന്നത്. ഒന്നാം ഘട്ടത്തില്‍ കിടങ്ങൂര്‍ ചെക്ഡാമിന്റെ പതിമൂന്നാം വാര്‍ഡില്‍ ഉള്‍പ്പെടുന്ന ഭാഗം നവീകരിച്ച് മിനി പാര്‍ക്കാക്കി മാറ്റിയിരുന്നു
. പന്ത്രണ്ടാം വാര്‍ഡിന്റെ ഭാഗത്താണ് രണ്ടാംഘട്ടത്തില്‍ നിര്‍മാണ പ്രവര്‍ത്തനങ്ങള്‍ നടക്കുന്നത്. ചെക്ഡാമിലെ വെള്ളച്ചാട്ടം കാണുന്നതിനായി പ്രത്യേക സ്റ്റീല്‍ ബഞ്ചുകളും ചെക്ഡാമിലേക്ക് ആളുകള്‍ ഇറങ്ങി അപകടം വരുത്താതിരിക്കുന്നതിന് സുരക്ഷാസൗകര്യങ്ങളുമാണ് രണ്ടാംഘട്ടത്തില്‍ നടപ്പിലാക്കുന്നത്. പദ്ധതിയുടെ നിര്‍മ്മാണ ഉദ്ഘാടനം ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍ നിര്‍വ്വഹിച്ചു. ഗ്രാമപഞ്ചായത്ത് പ്രസിഡന്റ് അഡ്വ. ഇ.എം. ബിനു അദ്ധ്യക്ഷത വഹിച്ചു.. ബ്ലോക് പഞ്ചായത്ത് മെമ്പര്‍മാരായ പ്രൊഫ. ഡോ. മേഴ്സി ജോണ്‍, അശോക് കുമാര്‍ പൂതമന, പഞ്ചായത്ത് വൈസ് പ്രസിഡന്റ് ടീനാ മാളിയേക്കല്‍, മുന്‍ പഞ്ചായത്ത് പ്രസിഡന്റ് തോമസ് മാളിയേക്കല്‍, പഞ്ചായത്ത് സ്റ്റാന്റിംഗ് കമ്മിറ്റി ചെയര്‍പേഴ്സണ്‍ ദീപ സുരേഷ്, പഞ്ചായത്തംഗം രശ്മി രാജേഷ് എന്നിവര്‍ പങ്കെടുത്തു.
.jpg)
0 Comments