സൗജന്യ നേത്രചികിത്സാ ക്യാമ്പും കണ്ണട വിതരണവും

സമഗ്ര ശിക്ഷ കേരളം  കോട്ടയം ഈസ്റ്റ് ബി.ആര്‍.സിയുടെ ആഭിമുഖ്യത്തില്‍  തിരുവഞ്ചൂര്‍ ലയണ്‍സ് ക്ലബ്ബും കോട്ടയം എലൈറ്റ് ലയണ്‍സ് ക്ലബ്ബും സംയുക്തമായി സൗജന്യ നേത്രചികിത്സാ ക്യാമ്പും കണ്ണട വിതരണവും നടത്തി. തിരുവല്ല അമിത ഐ കെയറിന്റെ സഹകരണത്തോടെ  കോട്ടയം ബേക്കര്‍ മെമ്മോറിയല്‍ ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടന്ന ക്യാമ്പ് തിരുവഞ്ചൂര്‍ രാധാകൃഷ്ണന്‍ MLA ഉദ്ഘാടനം ചെയ്തു. സമ്മേളനത്തില്‍  ബി ആര്‍ സി പ്രൊജക്റ്റ് കോര്‍ഡിനേറ്റര്‍  സജന്‍ എസ് നായര്‍ സ്വാഗതം ആശംസിച്ചു. തിരുവഞ്ചൂര്‍ ലയണ്‍സ് ക്ലബ് പ്രസിഡന്റ് രഞ്ജിത് എം.ആര്‍ അധ്യക്ഷത വഹിച്ചു. 

 വിഷന്‍ കെയര്‍ ആന്‍ഡ് SFK ഡിസ്ട്രിക്റ്റ് കോര്‍ഡിനേറ്റര്‍   Dr. P K  ബാലകൃഷ്ണന്‍ മുഖ്യ പ്രഭാഷണം നടത്തി.  ചീഫ് പ്രൊജക്റ്റ് കോര്‍ഡിനേറ്റര്‍  സിബി മാത്യു പ്ലാത്തോട്ടം  വിശദീകരണം നല്‍കി . SSK ജില്ലാ പ്രോഗ്രാം ഓഫീസര്‍ ധന്യ പി വാസു,  റീജിയണ്‍ ചെയര്‍പേഴ്‌സണ്‍  ടി.എം കൊച്ചുമോന്‍,  Dr. ജോ ജോസ് മാത്യു, ക്യാമ്പ് കോര്‍ഡിനേറ്റര്‍  ശ്രീജിത്ത്  ബി,  ബേക്കര്‍ സ്‌കൂള്‍ പ്രധാനാധ്യാപിക ബിനു വര്‍ഗീസ്, CRC കോര്‍ഡിനേറ്റര്‍  ബഷീര്‍ മുഹമ്മദ്, അമിത ഐ കെയര്‍ അഡ്മിനിസ്‌ട്രേറ്റീവ് ഓഫീസര്‍ സുജ ട പാര്‍വതി, സ്‌പെഷ്യല്‍ എഡ്യൂക്കേറ്റര്‍ ഫാദര്‍ സഞ്ജു മാനുവല്‍ എന്നിവര്‍ കൃതജ്ഞത അര്‍പ്പിച്ചു. തിരുവഞ്ചൂര്‍ ലയണ്‍സ് ക്ലബ് സെക്രട്ടറി ദീപു എസ് നായര്‍, ട്രഷറര്‍ അജീഷ് ഐസക്, അഡ്മിനിസ്‌റേറ്റര്‍ ഷാജി എം.എസ്,രാജ് മോഹന്‍, കോട്ടയം എലൈറ്റ് ക്ലബ് സെക്രട്ടറി ഷൈജു ലാല്‍,  വിജിത്ത്, ട്രഷറര്‍ ജലീല്‍ കൃഷ്ണ എന്നിവരും സന്നിഹിതരായിരുന്നു.