ഭരണങ്ങാനത്ത് വനിതാ ഫിറ്റ്‌നസ് സെന്റര്‍ ജോസ് K മാണി MP ഉദ്ഘാടനം ചെയ്തു.

ഭരണങ്ങാനത്ത് വനിതാ ഫിറ്റ്‌നസ് സെന്റര്‍ ജോസ് K മാണി MP ഉദ്ഘാടനം ചെയ്തു. സ്ത്രീകളുടെയും കുട്ടികളുടെയും ആരോഗ്യ സംരക്ഷണത്തിന് കേരളം നല്‍കുന്ന സംഭാവന മഹത്തരമാണെന്ന് ജോസ് കെ മാണി എം.പി പറഞ്ഞു. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ അനുവദിച്ച ഫണ്ട് ഉപയോഗിച്ചാണ് ഭരണങ്ങാനത്ത്  വനിത ഫിറ്റ്‌നസ് സെന്റര്‍ സ്ഥാപിച്ചത്. തദ്ദേശ സ്വയംഭരണ സ്ഥാപനങ്ങളുടെ പദ്ധതികളില്‍ കാലോചിതമായ മാറ്റങ്ങളാണ് അടുത്ത കാലത്ത് സംഭവിച്ചുകൊണ്ടിരിക്കുന്നത് എന്നും എം.പി പറഞ്ഞു. 

900 സ്‌ക്വയര്‍ ഫീറ്റില്‍ പത്തുലക്ഷം രൂപ ഉപയോഗിച്ചാണ് ഫിറ്റ്‌നസ് സെന്റര്‍ നിര്‍മ്മിച്ചിരിക്കുന്നത്.12 ഉപകരണങ്ങളാണ് ഫിറ്റ്‌നസ് സെന്ററില്‍ സ്ഥാപിച്ചിരിക്കുന്നത്. കുടുംബശ്രീ സി.ഡി.എസ്.നാണ് പരിപാലന ചുമതല നല്‍കിയിരിക്കുന്നത്. പഞ്ചായത്ത് പ്രസിഡന്റ് ബീന ടോമി അധ്യക്ഷയായിരുന്നു.  ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ മുഖ്യപ്രഭാഷണം നടത്തി. ബ്ലോക്ക് പഞ്ചായത്ത് അംഗങ്ങളായ ആനന്ദ് ചെറുവള്ളി , ജോസ് ചെമ്പകശ്ശേരി, പഞ്ചായത്ത് അംഗങ്ങളായ സോബി സേവിയര്‍ , അനുമോള്‍ മാത്യു, ലിന്‍സി സണ്ണി, ജോസുകുട്ടി അമ്പലമറ്റം, സുധാ ഷാജി, ബിജു എന്‍.എം , വിനോദ് ചെറിയാന്‍,  രാഹുല്‍ ജി കൃഷ്ണന്‍, സെക്രട്ടറി സെക്രട്ടറി റീന വര്‍ഗീസ്, സി.ഡി.എസ് ചെയര്‍പേഴ്‌സണ്‍ സിന്ധു പ്രദീപ് തുടങ്ങിയവ പ്രസംഗിച്ചു. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി പൂവരണിയില്‍ ഓപ്പണ്‍ ജിമ്മും, കുടക്കച്ചിറയില്‍ ഓപ്പണ്‍ സ്റ്റേഡിയവും, വിളക്കുംമരുതില്‍ ഇന്‍ഡോര്‍ ഷട്ടില്‍ ബാഡ്മിന്റണ്‍ കോര്‍ട്ടും നിര്‍മ്മിച്ചിട്ടുണ്ടെന്ന് ജില്ലാ പഞ്ചായത്ത് മെമ്പര്‍ രാജേഷ് വാളിപ്‌ളാക്കല്‍ പറഞ്ഞു.