പാലാ സെന്റ് തോമസ് കോളേജ് ഗ്രൗണ്ടിലെ താല്‍ക്കാലിക ഗ്യാലറി തകര്‍ന്നുവീണു.

പാലാ സെന്റ് തോമസ് കോളേജ് ഗ്രൗണ്ടിലെ താല്‍ക്കാലിക ഗ്യാലറി തകര്‍ന്നുവീണു. ഗ്യാലറിയിലുണ്ടായിരുന്ന വിദ്യാര്‍ഥികള്‍ക്ക് പരിക്കേറ്റു.  സര്‍ദാര്‍ വല്ലഭായി പട്ടേലിന്റെ  ജന്മ വാര്‍ഷികത്തോടനുബന്ധിച്ച് എന്‍സിസി എന്‍എസ്എസ് വിദ്യാര്‍ത്ഥികള്‍ ചേര്‍ന്ന്  സംയുക്ത പരിപാടിക്കായി ഒരുങ്ങുന്നതിനിടയാണ് അപകടമുണ്ടായത്.

 രാവിലെ 8.45 ഓടെയായിരുന്നു അപകടം വിവിധ യൂണിറ്റുകളില്‍ നിന്നെത്തിയ വിദ്യാര്‍ഥികളാണ് ഗ്രൗണ്ടില്‍ ഉണ്ടായിരുന്നത്. വിദ്യാര്‍ത്ഥികളുടെ എണ്ണം എടുക്കുന്നതിനായി താല്‍ക്കാലിക ഗ്യാലറിയില്‍ കയറ്റി നിര്‍ത്തിയപ്പോഴാണ് ഗ്യാലറി തകര്‍ന്നു വീണത്. കാല് ഇടയില്‍ കുരുങ്ങി 15 ഓളം വിദ്യാര്‍ത്ഥികള്‍ക്ക് പരിക്കേറ്റു.  ഇവരെ പാലാ ജനറല്‍ ആശുപത്രിയിലും സ്വകാര്യ ആശുപത്രികളിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ല.