ഉഴവൂര് ഗ്രാമപഞ്ചായത്തില് നടപ്പാക്കിയ വികസന പ്രവര്ത്തനങ്ങളും ഭാവി വികസനങ്ങളും ചര്ച്ചചെയ്ത് വികസന സദസ് നടന്നു. കരുനെച്ചി ശ്രീഭദ്രാ ഓഡിറ്റോറിയത്തില് നടന്ന സദസ് ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗര് ഉദ്ഘാടനം ചെയ്തു. ജനങ്ങളുടെ പങ്കാളിത്തം കൊണ്ടു മാത്രമേ വികസന പ്രവര്ത്തനങ്ങള് അര്ത്ഥവത്തായി നടപ്പാക്കാനാവു എന്നും എല്ലാ വിഭാഗം ജനങ്ങളുടെയും ക്ഷേമം ഉറപ്പാക്കുന്ന വികസന പ്രവര്ത്തനങ്ങളാണ് സര്ക്കാര് നടത്തുന്നതെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. ഗ്രാമപഞ്ചായത്ത് പ്രസിഡന്റ് ന്യൂജന്റ് ജോസഫ് അധ്യക്ഷത വഹിച്ചു.
ഉഴവൂര് ബ്ലോക്ക് പഞ്ചായത്ത് പ്രസിഡന്റ് രാജു ജോണ് ചിറ്റേത്ത്, വൈസ് പ്രസിഡന്റ് സിന്ധുമോള് ജേക്കബ്, ഗ്രാമപഞ്ചായത്ത് വൈസ് പ്രസിഡന്റ് അഞ്ജു പി. ബെന്നി, ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷന് പി.എം. മാത്യു, ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന് പി.എന്. രാമചന്ദ്രന്, ഗ്രാമപഞ്ചായത്ത് സ്ഥിരം സമിതി അധ്യക്ഷരായ കെ.എം. തങ്കച്ചന്, ജോണിസ് പി. സ്റ്റീഫന്, ഗ്രാമപഞ്ചായത്തംഗങ്ങളായ ജെസീന്ത പൈലി, വി.ടി. സുരേഷ്, സിറിയക്ക് കല്ലട, ഏലിയാമ്മ കുരുവിള, മേരി സജി, ബിന്സി അനില്, ശ്രീനി തങ്കപ്പന്, ഗ്രാമപഞ്ചായത്ത് അസിസ്റ്റന്റ് സെക്രട്ടറി കെ.ആര്. സുരേഷ് എന്നിവര് പങ്കെടുത്തു. റിസോഴ്സ് പേഴ്സണ് കെ.ആര്. സുരേഷ് സംസ്ഥാന സര്ക്കാരിന്റെ നേട്ടങ്ങളും, ഗ്രാമപഞ്ചായത്ത് സെക്രട്ടറി ലിജോ ജോബ് തദ്ദേശ സ്ഥാപനത്തിന്റെ നേട്ടങ്ങളും അവതരിപ്പിച്ചു. കെ.ആര്. നാരായണന് സൂപ്പര് സ്പെഷ്യാലിറ്റി ആശുപത്രിയില് കൂടുതല് സൗകര്യങ്ങള് ഒരുക്കണമെന്നു പൊതുചര്ച്ചയില് അഭിപ്രായം ഉയര്ന്നു. ഉഴവൂര്, മോനിപ്പള്ളി ടൗണുകളിലെ ബസ് കാത്തിരിപ്പ് കേന്ദ്രത്തോട് ചേര്ന്ന് ശുചിമുറികള് സ്ഥാപിക്കല്, ലൈഫ് മിഷന് വീടുകള്ക്ക് അനുവദിച്ചിരിക്കുന്ന തുക ഉയര്ത്തല് തുടങ്ങിയ ആവശ്യങ്ങളും ചര്ച്ചയില് ഉയര്ന്നു.
.jpg)
0 Comments